The Praying Hands (Albrecht Dürer)
ဂျာမဏီ ပန်းချီပညာရှင် Albrecht Dürer (၁၄၇၁-၁၅၂၈) ရဲ့ The Praying Hands ဆိုတဲ့ ပန်းချီကားရဲ့နောက်ကွယ်မှာ မေတ္တာ အနစ်နာ ဇာတ်လမ်းတစ်ပုဒ်ရှိခဲ့တယ်။
၁၅ရာစုက ဂျာမဏီနိုင်ငံ တောရွာတစ်ရွာမှာ ကလေး ၁၈ယောက်ရှိတဲ့ မိသားတစ်စုရှိခဲ့တယ်။ ဖခင်ဖြစ်သူက ပန်းတိမ်လုပ်သားတစ်ဦးဖြစ်ပြီး မိသားစုကြီးအတွက် တစ်နေ့ကို ၁၈နာရီ အလုပ်လုပ်ရတယ်။ ဘ၀ဟာ ခက်ထန်ကြမ်းတမ်းပေမဲ့ ကလေးတွေထဲက သားနှစ်ဦးမှာ တူညီတဲ့အိပ်မက်တွေ ရှိခဲ့ကြတယ်။ သူတို့ဟာ Albert နဲ့ Albrecht Durer ဖြစ်ပြီး နှစ်ဦးစလုံးမှာ အနုပညာနဲ့ ကြီးပွားလိုစိတ်ရှိကြတယ်။ ဒါပေမဲ့ ဖခင်ဝင်ငွေနဲ့ သူတို့ကို အနုပညာကျောင်းမှာ မထားပေးနိုင်မှန်း သူတို့နားလည်ခဲ့တယ်။
ညမှာ ညီအစ်ကိုနှစ်ဦး ကျဉ်းကျပ်နေတဲ့ ကုတင်ပေါ်မှာ ဆွေးနွေးကြတယ်။ နောက်ဆုံး ခေါင်းပန်းလှည့်ပြီး နိုင်သူက ကျောင်းတက်၊ ရှုံးသူက သတ္တုတွင်းမှာ အလုပ်ဆက်လုပ်ဖို့နဲ့ ၄နှစ်လွန်ပြီးနောက် သတ္တုတွင်းမှာ အလုပ်လုပ်နေသူက ကျောင်းပြန်တက်ပြီး ကျောင်းလခကို ကျောင်းပြီးသူက ထောက်ပံ့ဖို့ နှစ်ဦးသဘောတူ ဆုံးဖြတ်လိုက်ကြတယ်။ ခေါင်းပန်းလှန်တော့ ညီဖြစ်သူ Albrecht Durer က နိုင်ခဲ့တယ်။
ကျောင်းတက်နေစဉ်မှာ Albrecht အစွမ်းကုန် ကြိုးစားခဲ့တယ်။ သူ့လက်ရာက ဆရာထက်တောင် သာလွန်နေတယ်။ ကျောင်းပြီးဘွဲ့ရတော့ သူ့ဂတိကို အကောင်အထည်ဖော်ဖို့ ရွာကို ချက်ချင်းပြန်ခဲ့တယ်။ ၄နှစ်လုံးလုံး သူ့ကို ကျောင်းလခထောက်ပံ့ပေးခဲ့တဲ့ အစ်ကို Albert ကို သွားရောက်ရှာဖွေခဲ့တယ်။
ရွာကို သူပြန်ရောက်တဲ့နေ့မှာ အိမ်သားတွေက ညစာစားပွဲကျင်းပပြီး ကြိုဆိုခဲ့တယ်။ စားပွဲမှာ သူက အစ်ကိုAlbertရဲ့ ထောက်ပံ့မှုကို ကျေးဇူးတင်ကြောင်းနဲ့ “အစ်ကို ... အခုတစ်ခါ အစ်ကိုအလှည့်ရောက်ပါပြီ။ အစ်ကို့အိပ်မက်ကို အကောင်အထည်ဖော်ဖို့ ကျွန်တော်ကတစ်ဖန် ပြန်ကူညီထောက်ပံ့ပါ့မယ်” လို့ ပြောလိုက်တယ်။
ဆွေမျိုးမိတ်ဆွေတို့ရဲ့ မျှော်လင့်ချက် အကြည့်တွေက အစ်ကိုAlbert ဆီရောက်သွားခဲ့တယ်။ ပါးနှစ်ဖက်မှာ မျက်ရည်သွင်သွင်စီးပြီး ခေါင်းငုံ့နေတဲ့ Albert က ခေါင်းကိုခါရမ်းပြီး “မဟုတ်ဘူး .. မဟုတ်ဘူး” လို့ ငြင်းဆန်တယ်။
ပြီးတော့ သူထရပ်လိုက်တယ်။ ညီငယ် Albrecht Durer ကို ကြည့်ပြီး လက်ကိုဆုပ်ကိုင်ရင်း “အစ်ကို့ရဲ့လက်ကို ကြည့်ပါဦးကွာ။ သတ္တုတွင်းမှာ အလုပ်လုပ်ခဲ့တဲ့ ၄နှစ်အတွင်းမှာ အစ်ကိုလက်တွေ ကိုင်လှုပ်လို့ မရအောင် ပျက်ဆီးခဲ့တယ်။ ဖန်ခွက်မြှောက်ပြီး ညီငယ်ကို ကောင်းချီးပေးဖို့တောင် မစွမ်းနိုင်ခဲ့ဘူး။ စုတ်တံကိုင်ဖို့ ခဲတံကိုင်ဖို့ကို မပြောပါနဲ့တော့။ အရမ်းနောက်ကျခဲ့ပြီ ညီငယ်။ ဒါပေမဲ့ အိပ်မက်ကို မင်းအကောင်အထည် ဖော်နိုင်ခဲ့တာကို အစ်ကိုဝမ်းသာလို့ မဆုံးဘူးကွာ” လို့ ပြောလိုက်တယ်။
တစ်နေ့မှာ အစ်ကို Albert တစ်ယောက် မြေပြင်ပေါ် ဒူးထောက် လက်အုပ်ချီပြီး ဆုတောင်းနေတာကို Albrecht Durer က တွေ့လိုက်တယ်။ “ဘုရားသခင်.. ကျွန်တော်မျိုးရဲ့ ဒီလက်တစ်စုံဟာ ကျွန်တော့်အိပ်မက်ကို အကောင်အထည်ဖော်ဖို့ လုံးဝမဖြစ်နိုင်တော့ပါဘူး။ ကျွန်တော့်မှာရှိတဲ့ အရည်အချင်းနဲ့ လုပ်နိုင်စွမ်းတွေကို ကျွန်တော့်ညီငယ် Albrecht Durer ကို ဆတိုး ပေးဆပ်ခွင့်ပြုပါဘုရား”
အစ်ကို့ကျေးဇူးကို နဂိုကတည်းက အမှတ်ရနေတဲ့ Albrecht Durer ဟာ ၀ပ်ပြုဆုတောင်းနေတဲ့ အစ်ကို့ကို မြင်တော့ ဆုတောင်းနေတဲ့ အစ်ကိုရဲ့လက်ကို ဆွဲဖို့ ဆုံးဖြတ်လိုက်တယ်။
လွန်ခဲ့သော နှစ်ပေါင်း ၄၅၀ နှစ်မှ ယနေ့အထိ Albrecht Durer ဆွဲခဲ့တဲ့ ပုံကြမ်း၊ ရေဆေး၊ ခဲပန်းချီ၊ သစ်ထွင်းပန်းချီ၊ ကြေးသွန်း စတဲ့ အနုပညာလက်ရာများကို ကမ္ဘာ့အနှံ့ ပြတိုက်တွေမှာ တွေ့နိုင်ပါတယ်။ သူ့ရဲ့ပန်းချီကားတွေထဲမှာ လူတွေနဲ့ အရင်းနှီးဆုံး၊ အသိများဆုံးကတော့ “The Praying Hands ” ပဲ ဖြစ်တယ်။
The Praying Handsး အင်္ဂလိပ်ဗားရှင်း
The Praying Handsး တရုတ်ဗားရှင်း
နိုင်းနိုင်းစနေ ဘာသာပြန်သည်
No comments:
Post a Comment