မူရင်း.... ဟန်ဂေရီ (Hungary) စာရေးဆရာ Mór Jókai (၁၈၂၅-၁၉၀၄)
အလယ်အလတ်တန်းစား ရှေ့နေ မိသားစုမှ မွေးဖွားခဲ့။ ၁၈၄၈ခုနှစ် မတ်လ ပုန်ကန်မှုတွင် ပါဝင်ခဲ့။ အရေးနိမ့်သော် တော်လှန်ရေးသမား ဘ၀ကို စွန့်လွတ်ပြီး စာပေလောကထဲ ၀င်ခဲ့။ ဘက်စုံ စာရေးဆရာဖြစ်ပြီး ၀တ္ထုပေါင်း ၁၁၀ အုပ် ရေးသားခဲ့။ ရိုမန်တစ်ဆန်သော အချစ်ဝတ္ထုများဖြင့် နာမည်ရခဲ့သော်လည်း အလယ်အလတ်နှင့် အောက်လွှာ လူတန်းစားများ၏ လူနေမှုဘ၀များ၌သာ သူ၏ ကလောင်မင်စက်ကို ပိုသုံးခဲ့။
ကိုးယောက်ထဲက ဘယ်တစ်ယောက်ကို ရွေးမလဲ
ဟိုးရှေးရှေးတုန်းက မြို့တစ်မြို့မှာ ဂျွန်ဆင်လို့ခေါ်တဲ့ ဆင်းရဲသား ဖိနပ်ချုပ်သမား တစ်ယောက်နေတယ်။ မစ်စတာ ဂျွန်ဆင်က ဘယ်တော့မှ ငွေကြေးမချမ်းသာခဲ့ဘူး။ အကြောင်းက တစ်နှစ်ကို ကလေးတစ်ယောက်နှုန်း တိုးနေလို့ဖြစ်တယ်။ ကလေးတွေက ကျန်းကျန်းမာမာ၊ ၀၀ဖြိုးဖြိုးတွေ မိန်းမဆုံးတော့ မစ်စတာ ဂျွန်ဆင်ဟာ ကလေးကိုးယောက်နဲ့အတူ ဒီလောကမှာ ယောင်လည်လည် ကျန်ရစ်ခဲ့တယ်။ ယောက်ျားသားတစ်ယောက် အတွက် ဒါဟာ လုံးဝမလွယ်ကူတဲ့ ကိစ္စပဲ ....!
“အရှင်... ကျွန်တော်ရဲ့ ဘုရားသခင် ... ကျွန်တော့်အတွက် အရှင် ဘာတွေများ စွန့်ကျဲခဲ့သလဲ”
ကလေးကိုးယောက် ရှင်သန်ကြီးထွားဖို့အတွက် ညသန်းခေါင်ယံထိ ဖိနပ်ဆိုင်က ခွေးခြေပုမှာ ထိုင်ပြီး အလုပ်လုပ်ရတဲ့ အချိန်တွေ၊ ဒီတစ်ယောက်ကို ချော့သိပ်နေတုန်း ဟိုတစ်ယောက်က လန့်နိုးလို့ ပြန်အိပ်ခိုင်းရတဲ့ ညတွေဆိုရင် ဖိနပ်ချုပ်ရာမှာ လက်ရာသေသပ်တယ်ဆိုတဲ့ ဖိနပ်ချုပ်ဆရာကြီးကတောင် သက်ပြင်းတွေ အခါခါ ချနေမိတတ်တယ်။ ကိုးယောက်..! သူတို့ကိုးယောက်...! ကိုးယောက်တိတိ...! ဒါပေမဲ့ ဘုရားသခင်ကို ကျေးဇူးတင်ပါတယ်။ ကိုးယောက်စလုံး ကိုယ်အင်္ဂါ မချွတ်မယွင်း၊ ရုပ်ရည် ပြေပြေပြစ်ပြစ်၊ တောင်းတင့်တဲ့ ခန္ဓာကိုယ်နဲ့ စာရိတ္တကောင်းမွန်ပြီး စားနိုင်သောက်နိုင်ကြလို့ ဒါဟာ ညည်းတွားစရာအကြောင်း မဟုတ်ပါဘူး။ ဆေးဝါးတွေနဲ့ အသက်ဆက်နေရတဲ့ လူနဲ့စာရင် ပေါင်မုန့်တစ်လုံးကို ကိုးပိုင်းပိုင်းပြီး ဝေမျှစားရတာက သာပြီးကောင်းပါတယ်။ အိမ်လယ်မှာ အခေါင်းတစ်လုံး တည်ထားရတာထက် အခန်းသေးထဲမှာ ကုတင်ကိုးခုကို တန်းစီပြီး ချထားရတာက ပိုကောင်းပါတယ်။ မိဘတိုင်းရဲ့ ဒီလိုသောကမျိုးကို ဘုရားသခင်က မောင်းထုတ်ပေးနိုင်ပါစေ။ အကယ်၍ မဖြစ်မနေ သေဆုံးပေးရမယ်ဆိုရင် ရှစ်ယောက်ကိုတော့ ချန်ထားရစ်ခဲ့ပါ။
ဒါပေမဲ့ မစ်စတာ ဂျွန်ဆင်ရဲ့ကလေးတွေက ဖျားနာသေဆုံးမဲ့ အရိပ်အယောင်တောင် နည်းနည်းမှ မရှိခဲ့ဘူး။ ဘုရားသခင်က အရာအားလုံးကို စီစဉ်ပြီးသား သူတို့ ကိုးယောက်လုံး လောကကြီးက မစွန့်ခွာရဘဲ ကျန်းကျန်းမာမာနဲ့ ရှင်သန်ကြီးထွားဖို့ စီစဉ်ပြီးသားပါ။ မိုးပဲရွာရွာ၊ နှင်းပဲကျကျ သူတို့ မမှုခဲ့ဘူး။ မာတာတာ ပေါင်မုန့်တုံးတွေ စားနေရပါစေ သူတို့အဖို့ နစ်နာတယ်ဆိုတာ မရှိခဲ့ဘူး။
ခရစ္စမတ်ရဲ့ ညတစ်ညမှာ ကိစ္စတစ်ခုကြောင့် မစ်စတာ ဂျွန်ဆင် အိမ်ပြန်နောက်ကျခဲ့တယ်။ အသင့်စားနိုင်တဲ့ မုန့်ဂျိုးတစ်ချို့နဲ့ ငွေအနည်းငယ်ကို သူယူဆောင်လာတယ်။ အဲဒီငွေက သူ့လုပ်ငန်း ဆက်လည်ပတ်ဖို့နဲ့ သူ့မိသားစုအတွက် လုံလောက်ရုံလေးတင်ပါ။ အိမ်ကို ခပ်သုတ်သုတ်လျှောက်ပြီး ပြန်လာတဲ့ လမ်းတစ်နေရာမှာ ရွှေရောင်၊ ငွေရောင်တွေနဲ့ လုပ်ထားတဲ့ ပုံတော်နဲ့ ချိုချဉ်ရုပ်တွေ ခင်းကျင်းထားတဲ့ ဆိုင်ကို သူတွေ့လိုက်မိတယ်။ လမ်းထောင့်တိုင်းမှာ ဒီလိုခင်းကျင်းထားတဲ့ ဆိုင်လေးတွေရှိပြီး လိမ္မာယဉ်ကျေးတဲ့ ကလေးတွေကိုမှ သူတို့က ရောင်းပေးလေ့ရှိတယ်။ ပစ္စည်းမရောင်းခင် အရောင်းသမတွေက လိမ္မာတဲ့ ကလေးအတွက်လားလို့ အရင်မေးပြီးမှ ရောင်းပေးတတ်ကြတယ်။ သူတို့ရဲ့ ဘယ်ပစ္စည်းကိုမဆို ကလေးဆိုးတွေအတွက် မဖြစ်စေချင်ကြဘူး။ မစ်စတာ ဂျွန်ဆင်က တစ်ဆိုင်ဝင် တစ်ဆိုင်ထွက် ဘာဝယ်ရမှန်း မသိဖြစ်နေတယ်။ ကလေးကိုးယောက်စလုံးကို ၀ယ်ပေးဖို့လဲ မတတ်နိုင်၊ တစ်ယောက်တည်းကို ၀ယ်ပေးပြန်တော့ ကျန်တဲ့ကလေးတွေက စိတ်မကောင်းဖြစ်ကြတော့မယ်။ သူတို့ကို တစ်ခြားလက်ဆောင်ပဲ ပေးတော့မယ်။ ဒီလက်ဆောင်က လှလည်းလှ၊ ပျော်စရာလည်း ကောင်းသလို အလွယ်တကူလည်း မပျက်ဆီးတတ်ဘူး။ ကလေးတိုင်း နှစ်သက်မှာဖြစ်ပြီး အချင်းချင်းလည်း လုယူလို့ မရနိုင်ဘူး။
“ဝေး.. ကလေးတို့ရေ.. တစ်.. နှစ်... သုံး...လေး မင်းတို့ဘယ်မှာလဲဟေ့” အိမ်ရောက်ရောက်ချင်း မစ်စတာဂျွန်ဆင်က အိမ်ထဲကို လှမ်းပြီး အော်မေးလိုက်တယ်။
“ဒီနေ့ဟာ ခရစ္စမတ်နေ့ဆိုတာ သိကြရဲ့လား.. ဒီနေ့ဟာ မြင့်မြတ်တဲ့ နေ့တစ်နေ့၊ အပျော်တွေနဲ့ ပြည့်နေတဲ့ နေ့တစ်နေ့ ... ဒီည ဘာမှမလုပ်ဘဲ ငါတို့တမိသားစုလုံး ပျော်ပျော်ရွှင်ရွှင် ၀ိုင်းဖွဲ့ကြရအောင်” ကလေးတွေ အားလုံး ပျော်ရွှင်နေကြတယ်။ အိမ်တစ်အိမ်လုံးကို ပြောင်းပြန်လှန်ပစ်မတတ် ဒီည သူတို့အားလုံး ပျော်ရွှင်နေကြတယ်။
“နေဦး.. နေဦး.... မင်းတို့အားလုံးကို ဖေဖေတတ်တဲ့ သီချင်းတစ်ပုဒ် သင်ပေးမယ်။ ဒီသီချင်းက နားဝင်ချိုတဲ့ ဓမ္မတေးတစ်ပုဒ်ဖြစ်တယ်။ ဒီသီချင်းကို ဒီနေ့အထိ ဖေဖေ ထိန်းသိမ်းလာခဲ့တယ်။ မင်းတို့အားလုံးအတွက် ဖေဖေ့ရဲ့ ခရစ္စမတ်လက်ဆောင်လို့ မှတ်ယူကြပေါ့”
ကလေးတွေက သူ့ ဒူးပေါ် ကုတ်တက်ပြီး လက်နှစ်ဖက်နဲ့ သူ့လည်ပင်းကို သိုင်းဖက်ထားကြတယ်။ နားထောင်လို့ ကောင်းတဲ့ သီချင်းကိုဆိုဖို့ သူထိုင်နေတဲ့ ကုလားထိုင်ကိုတောင် တွန်းလှဲပစ်မတတ် သူ့ကို ၀ိုင်းဖက်ထားကြတယ်။
“အားလုံး လိမ္မာစမ်းပါ... ငယ်စဉ်ကြီးလိုက် အရင်ဆုံး တန်းစီလိုက်ကြ” ပုလွေတံရဲ့ အပေါက်လိုပဲ သူတို့ကို အရင်တန်းစီပေးလိုက်တယ်။ အငယ်ဆုံး ကလေးနှစ်ယောက် တစ်ယောက်က သူ့ဒူးကို ဖက်လို့၊ တစ်ယောက်က သူပုခုံးကို ဖက်လို့...
“အသံမထွက်ကြနဲ့တော့... ဖေဖေ တစ်ခွန်းဆိုရင် မင်းတို့က နောက်ကနေ တစ်ခွန်းလိုက်ဆိုကြ”
ဒီလိုနဲ့ မစ်စတာ ဂျွန်ဆင်က သူ့ကိုယ်သူ သမားကောင်းတစ်ယောက် ပုံစံနဲ့ အစိမ်းရောင် ဦးထုပ်ကို အရင်ဆုံး ချွတ်လိုက်ပြီး သီချင်းကို စဆိုတော့တယ်။
“နားထောင်ကြစမ်း... အိန်ဂျယ်လ်ရဲ့ သံပြိုင်တေးသွား.... ”
အကြီးကောင်တွေက တစ်ခါဆိုပြတာနဲ့ တတ်သွားပေမဲ့ အငယ်ကောင်တွေကိုတော့ ဦးနှောက်နည်းနည်း ခြောက်ရတယ်။ သံစဉ်တွေ မှားဆိုသလို လက်ခုပ်တီးတာလည်း မညီဘူး။ နောက်ဆုံးတော့ အားလုံး ဆိုတတ်သွားတယ်။ သူတို့ကိုးယောက် သံပြိုင်ဆိုတဲ့ သီချင်းသံက ကြားရသူအဖို့ နားဝင်ပီယံဖြစ်တယ်။ ဒီသီချင်းက အထိမ်းအမှတ်ညတွေမှာ အိန်ဂျယ်လ်တွေဆိုတဲ့ သီချင်းဖြစ်တယ်။ ဒီချစ်စရာကောင်းတဲ့ ကလေးကိုးယောက်ရဲ့ ပျော်ရွှင်စရာ တေးသံတွေကြောင့် ကောင်းကင်က အိန်ဂျယ်လ်တွေ အသိအမှတ်ပြုပြီး ဒီညလည်း ဒီသီချင်းကို သူတို့ဆိုနေကြမှာပဲ..!
တကယ်လည်း မိုးပေါ်က အိန်ဂျယ်လ်တွေက ကလေးတွေရဲ့ သီချင်းသံကို အသိအမှတ်ပြုခဲ့ပါတယ်။ ဒါပေမဲ့ အိမ်ပေါ်ထပ် အိမ်ရှင်က အဲဒီသီချင်းသံတွေကို အသိအမှတ် မပြုခဲ့ဘူး။
အပေါ်ထပ်မှာ ကြေးရတတ် လူပျိုကြီးတစ်ဦး နေတယ်။ အခန်းကိုးခန်းရှိတဲ့ အပေါ်ထပ်မှာ တစ်ယောက်တည်းနေတယ်။ ဒီအခန်းမှာ သူထိုင်တယ်။ ဟိုတစ်ခန်းမှာ သူအိပ်တယ်။ တတိယခန်းမှာ ဆေးလိပ်သောက်တယ်။ စတုတ္ထခန်းမှာ သူထမင်းစားတယ်။ ပဉ္စခန်းမှာ သူဘာလုပ်သလဲဆိုတာကိုတော့ ဘယ်သူမှ မသိကြဘူး။
သူ့မှာ မိန်းမ မရှိဘူး။ ကလေးလည်း မရှိဘူး။ ဒါပေမဲ့ မရေမတွက်နိုင်တဲ့ ငွေကြေးတွေရှိတယ်။
အဲဒီညမှာ သူဌေးက ရှစ်ခန်းမြောက်အခန်းမှာ ထိုင်ပြီး စိတ်ညစ်နေတယ်။ သူစားတဲ့ အစာတိုင်း ဘာဖြစ်လို့ အရသာ မရှိရသလဲ..? သတင်းစာက ဘာဖြစ်လို့ စိတ်ဝင်စားစရာ မကောင်းတဲ့ သတင်းတွေပဲ ပါနေရသလဲ...? ကျယ်ပြန့်တဲ့ အခန်းထဲမှာ ဘာဖြစ်လို့ ဒီလောက် မွန်းကြပ်နေရသလဲ...? ပျော့အိနေတဲ့ မွေ့ရာပေါ်မှာ ဘာဖြစ်လို့ နှစ်နှစ်ခြိုက်ခြိုက် အိပ်မပျော်ရတာလဲ... ? အဲဒီအချိန်မှာ မစ်စတာ ဂျွန်ဆင်နေတဲ့ အောက်ထပ်က ပျော်ရွှင်ဖွယ်ရာ သီချင်းသံတွေ ပြန့်လွှင့်လာတယ်။ အစပိုင်းတော့ တိုးတိုးလေးဖြစ်ပေမဲ့ နောက်တော့ သီချင်းသံက ကျယ်လောင်လာတယ်။
နားမထောင်မိအောင် သူကြိုးစားတယ်။ သီချင်းသံတွေ မြန်မြန်ရပ်သွားမယ်လို့ သူမျှော်လင့်မိတယ်။ ဒါပေမဲ့ သီချင်းသံက တစ်ကျော့ပြီး တစ်ကျော့.. ဆယ်ကြိမ်မြှောက်မှာတော့ သူဆက်ပြီး သည်းမခံနိုင်တော့ဘူး။ ဆေးပေါ့လိပ်ကို မီးငြိမ်းလိုက်တယ်။ ညအိပ်ဝတ် အ၀တ်အစားနဲ့ပဲ အောက်ထပ်က မစ်စတာ ဂျွန်ဆင်ရဲ့ အခန်းထဲ သူ တဟုန်ထိုး ပြေးဝင်လိုက်တယ်။ တံခါးကို သူတွန်းဖွင့်လိုက်တဲ့ အချိန်က ကလေးတွေ ပထမတစ်ပိုဒ်ကို ဆိုပြီးချိန်ဖြစ်တယ်။ မစ်စတာ ဂျွန်ဆင်က သူထိုင်နေတဲ့ ခွေးခြေပုကနေ ရပ်ပြီး သူဌေးကို အရိုအသေပြု ကြိုဆိုလိုက်တယ်။
“ခင်ဗျားလား.. မစ်စတာ ဂျွန်ဆင်ဆိုတာ” သူဌေးက မေးတယ်။
“ဟုတ်ပါတယ် လူကြီးမင်း။ ဘာများ ခိုင်းစေမလိုလဲ... သားရေဖိနပ်တစ်ရံ ချုပ်ပေးဖို့အတွက်လား ခင်ဗျား”
“ဒီကိစ္စနဲ့ ကျုပ်ရောက်လာတာ မဟုတ်ဘူး။ မင်းမှာ ကလေးတွေ တပြုံကြီးပါလား”
“ဟုတ်ပါတယ် လူကြီးမင်း။ ကြီးကြီး ငယ်ငယ် ကျွန်တော့်မှာ တပြုံကြီးပဲ။ ပါးစပ်ပေါက်တွေ အများကြီး ကျွေးရပါတယ်”
“သီချင်းဆိုတော့လည်း ပါးစပ်ပေါက်တွေ အများကြီးပဲ။ ဒီမှာ မစ်စတာ ဂျွန်ဆင်.. ခင်ဗျားကို ကျွန်တော် ကံကောင်းစေမယ်။ ကျွန်တော်မွေးစားဖို့ သားတစ်ယောက် ပေးလိုက်ပါ။ သူ့ကို ကျောင်းထားပေးမယ်။ နိုင်ငံခြား ခရီးတွေ ထွက်လည်ရမယ်။ သူ့ကို အထက်တန်းစား လူတစ်ယောက်ဖြစ်အောင် ကျွန်တော် ပျိုးထောင်မယ်။ နောက်ဆို သူ့မှာ ငွေကြေးတွေ ရှိလာရင် တစ်ခြားကလေးတွေကို သူစောင့်ရှောက်လို့ရပြီ”
အဲဒီစကားကို မစ်စတာ ဂျွန်ဆင်ကြားတော့ မျက်လုံးတွေက ပန်းကန်လုံးလောက် ပြူးကျယ်သွားတယ်။ ဆင်းရဲသားတစ်ဦးရဲ့ သားက “အထက်တန်းစား”တစ်ဦး ဖြစ်သွားမယ်ဆိုတာ သိပ်ကြီးကျယ်တဲ့ ကိစ္စပဲ။ ဘယ်သူမဆို သေချာ စဉ်းစားကြမှာပဲ။ တကယ်လည်း ကလေးတစ်ယောက်ကို ငွေကြေးချမ်းသာတဲ့လူကို ပေးဖို့ သူသဘောတူပါတယ်။ ဒါဟာ သိပ်ကံကောင်းတယ်လို့ ဆိုရမဲ့ကိစ္စပါ။
“အင်း... ကျွန်တော့်အတွက် သူတို့ထဲက တစ်ယောက်ကို ရွေးပေးပါ”
ဘယ်တစ်ယောက်ကို ရွေးရင် ကောင်းမလဲ... မစ်စတာ ဂျွန်ဆင် စိတ်ထဲက တွက်ချက်ကြည့်လိုက်တယ်။
“အန်ထော်နီ.. အင်း.. သူ့ကို ရွေးလို့မဖြစ်ဘူး။ သူက ကျောင်းသားကောင်း တစ်ယောက်ဖြစ်တယ်။ ကျမ်းဆရာ လုပ်မဲ့ကောင်။ ဒုတိယက သမီး.. ဒီသူဌေးက မိန်းကလေး မယူဘူး။ နောက်တစ်ယောက်က ဖရင့်.. သူက ငါ့အလုပ်မှာ ကူညီနိုင်ပြီ။ သူမရှိရင် ရောင်းဝယ်ရာမှာ အခက်အခဲရှိနိုင်တယ်”
“သူက ဂျွန်ဆင်.. သူ့နာမည်က ငါ့နာမည်နဲ့ တူတယ်။ ငါမပေးရက်ဘူး။ ရော်ပီရဲ့ ပုံစံ၊ အမှုအရာတွေက သူ့အမေနဲ့ တစ်ပုံစံထဲ.. သူ့ကြောင့် သွားလေသူကို အမြဲသတိရစေတယ်။ သူကို ချန်ထားရမယ်။ နောက်တစ်ယောက်က မိန်းကလေး.. သိပ်စဉ်းစားစရာ မလိုဘူး။ နောက်တစ်ယောက်က ဘာလီ.. သူ့အမေ သိပ်ချစ်တဲ့ ကလေး.. အင်း..သူ့ကို သူစိမ်းလက်ထဲ အပ်လိုက်ရင် သနားစရာသူ့အမေက ဂူထဲမှာ စိတ်ချလက်ချ လဲလျောင်းနိုင်မှာ မဟုတ်ဘူး။ ဒီအငယ်ဆုံး နှစ်ယောက်က ငယ်လွန်းတယ်.. သူတို့ကို ထိန်းနိုင်မှာ မဟုတ်ဘူး... လူကြီးမင်း”
ကလေးတွေကို တစ်ယောက်ချင်း စဉ်းစားပေမဲ့ ရွေးခြယ်ဖို့အတွက် မစ်စတာ ဂျွန်ဆင် အကြံအိုက်နေတယ်။ နောက်တစ်ကြိမ် ငယ်စဉ်ကြီးလိုက် အရွယ်အတိုင်း စဉ်းစားပြန်တယ်။ ကလေးတိုင်းကို ချစ်တော့ ဘယ်တစ်ယောက်ကို ပေးလိုက်ရမှန်း မသိအောင် အဖြေက တူညီနေတယ်။
“ဒီလိုလုပ်.. ကလေးတို့ရေ .. မင်းတို့ ကိုယ်တိုင်ပဲ စဉ်းစားကြကွာ။ ဘယ်သူက အိမ်ကို ခွဲပြီး သူဌေးသား သွားလုပ်ချင်ကြလဲ..? မြင်းရထား စီးချင်ကြလဲ...? သွားချင်တဲ့လူ ထရပ်လိုက်ပါ” ဒီလိုပြောပြီး သနားစရာ မစ်စတာ ဂျွန်ဆင်က မျက်ရည်တွေတောင် စီးကျတော့မယ်။ ကလေးတွေအားလုံး သူ့နောက်ကို ပြေးပုန်းကြတယ်။ သူ့လက်ကို ၀ိုင်းဆွဲထားကြတယ်။ သူ့ပေါင်ကို ဖက်ထားကြတယ်။ သူ့ အင်္ကျီကို ဆွဲထားကြတယ်။ သူစိမ်း သူဌေးကြီးကို ရှောင်ပြီး သူ့ကို တင်းတင်းဝိုင်းဖက်ထားကြတယ်။
နောက်ဆုံး မစ်စတာ ဂျွန်ဆင် မအောင့်နိုင်တော့ဘူး။ ကလေးအားလုံးကို တင်းတင်းလေး ပွေ့ဖက်ထားလိုက်တော့တယ်။ သူ့မျက်ရည်တွေက ကလေးတွေရဲ့ ခေါင်းပေါ် တစ်စက်ချင်း ကျလာတယ်။ ကလေးတွေလည်း သူနဲ့အတူ လိုက်ငိုကြတယ်။
“ကျွန်တော် မလုပ်နိုင်ဘူး လူကြီးမင်း... ဘယ်လိုမှ မလုပ်နိုင်ဘူး။ ကျွန်တော့်ဆီက တစ်ခြားအရာကို တောင်းပါ။ ဒီကလေးတွေက ဘုရားသခင်က ကျွန်တော့်ကို ပေးတဲ့ ဆုလဒ်တွေပါ။ ကျွန်တော့်အတွက် တစ်ယောက်လျော့သွားလို့ မဖြစ်ဘူး”
သူဌေးက ခေါင်းညိတ်ထောက်ခံတယ်။ ဒါပေမဲ့ ကလေးတွေ သီချင်းဆက်မဆိုဖို့ မစ်စတာ ဂျွန်ဆင်က သဘောတူရလိမ့်မယ်။ ဒီအတွက် ဆုငွေ တစ်ထောင် ပေးမယ်။ မစ်စတာ ဂျွန်ဆင်ရဲ့ တစ်သက်တစ်ဘ၀မှာ ငွေတစ်ထောင်ဆိုတာ မြင်တောင် မမြင်ဖူးတဲ့ အရာပါ။ အခုတော့ ဒီငွေ တစ်ထောင်က သူ့လက်ထဲ ရောက်လာခဲ့တယ်။
သူဌေးက အပေါ်ထပ် တက်ပြီး မွန်းကြပ်နေတဲ့ သူ့အခန်းထဲ ၀င်သွားတယ်။ မစ်စတာ ဂျွန်ဆင်က တစ်ခါမှ မမြင်ဖူးတဲ့ ငွေတစ်ထောင်ကို ထပ်စစ်လိုက်တယ်။ နောက် စိတ်မချစွာနဲ့ သေတ္တာထဲထည့် သော့ခတ်ပြီး သော့ကို အိတ်ကပ်ထဲ ထည့်လိုက်တယ်။ အဲဒီနောက် နှုတ်ဆိတ် ငြိမ်သက်သွားမိတယ်။ ကလေးတွေကလည်း တိတ်ဆိတ်လို့.. သူတို့မှာ သီချင်းဆိုခွင့် မရှိတော့ဘူး။
အကြီးကောင်တွေက စိတ်ပျက်လက်ပျက်နဲ့ ကုလားထိုင်ပေါ်ထိုင်ပြီး အပေါ်ထပ်က လူကြီး ကြားမှာဆိုးလို့ အငယ်တွေကို အသံလုံးဝ မထွက်ဖို့၊ သီချင်းလုံးဝ မဆိုဖို့ သတိပေးတယ်။
မစ်စတာ ဂျွန်ဆင်ကိုယ်တိုင်လည်း အသံမထွက်ဘဲ အခန်းထဲမှာပဲ ခေါက်တုန့်ခေါက်ပြန် လမ်းလျှောက်နေမိတယ်။ သူ့မိန်းမ အချစ်ဆုံး သားငယ်က သီချင်းစာသားတွေ သူမေ့သွားလို့ နောက်တစ်ခေါက် ထပ်ဆိုပြဖို့ တောင်းဆိုတော့ မစ်စတာ ဂျွန်ဆင်က စိတ်တိုတိုနဲ့ သူ့ကို တွန်းဖယ်ပစ်လိုက်တယ်။
“မဆိုရဘူး....”
အဲဒီနောက် မျက်နှာကျောတင်းတင်းနဲ့ ခွေးခြေပုပေါ်ထိုင်ပြီး ဖိနပ်ချုပ်ဖို့ သားရေကို တူနဲ့ တအားထုတော့တယ်။ ဘာမှ မစဉ်းစားဘဲ စိတ်ကို ဖိနပ်ချုပ်တဲ့ထဲ နစ်ထားလိုက်တယ်။ တအောင့်နေတော့ ပါးစပ်က မသိမသာ သီချင်းလေး ညည်းနေမိတယ်။
“နားထောင်ကြစမ်း... အိန်ဂျယ်လ်ရဲ့ သံပြိုင်တေးသွား.... ”
မစ်စတာ ဂျွန်ဆင်က သတိလက်လွတ် ညည်းမိတဲ့ ကိုယ့်ပါးစပ်ကို ရိုက်လိုက်တယ်။ နောက် ဒေါသတကြီး တူကို ပစ်ချပြီး ထိုင်နေတဲ့ ခွေးခြေပုကို ကန်ထုတ်ပစ်လိုက်တယ်။ အဲဒီနောက် သေတ္တာကိုဖွင့် ငွေတစ်ထောင်ကို ယူုပြီး အိမ်ပေါ်ထပ်ကို တဟုန်ထိုး ပြေးတက်သွားတော့တယ်။
“လူကြီးမင်း ခင်ဗျား.. ခင်ဗျားရဲ့ ငွေကို ပြန်ယူပါ။ ဒီငွေတွေကို ကျွန်တော် အလိုမရှိဘူး။ သီချင်းကို ကျွန်တော် ဆိုချင်တဲ့အချိန် ဆိုရတာဟာ ဒီငွေတစ်ထောင်ထက် ပိုအတန်ဖိုးပါတယ်”
ငွေတစ်ထောင်ကို စားပွဲပေါ်တင်ပြီး မစ်စတာ ဂျွန်ဆင်ဟာ အောက်ထပ်က ကိုယ့်အခန်းထဲ ခုန်ပျံပြီး ဆင်းလာခဲ့တယ်။ ကလေးတွေကို ပွေ့ဖက်နမ်းရှုပ်ပြီး ပုလွေပေါက်လို တန်းစီလိုက်တယ်။ ကလေးတွေရဲ့ အလယ်က သူ့ရဲ့ခွေးခြေပုပေါ် ထိုင်ပြီး သီချင်းကို စိတ်ပါလက်ပါ အော်ဆိုလိုက်တယ်။
“နားထောင်ကြစမ်း... အိန်ဂျယ်လ်ရဲ့ သံပြိုင်တေးသွား.... ”
သူတို့ ပျော်ရွှင်နေကြတယ်။ အိမ်ကြီး တစ်အိမ်လုံးမှာ သူတို့ပဲ ရှိနေသလား ထင်ရလောက်အောင် ပျော်ရွှင်နေကြတယ်။ ဒီအိမ်ကြီးရဲ့ အရှင်သခင် သူဌေးက တစ်ယောက်တည်း အထီးကျန်စွာ အခန်းကိုးခန်းရှိတဲ့ သူ့ရဲ့ အိမ်ပေါ်ထပ်မှာ ခေါက်တုန့်ခေါက်ပြန် လမ်းလျှောက်နေတယ်။ သူ ညည်းတွားနေတယ်။
“ပျင်းရိဖို့ ကောင်းတဲ့ ဒီလောကကြီးမှာ လူတစ်ချို့က ဘာလို့ ဒီလောက် ပျော်ရွှင်နေရသလဲ... ?”
ပြီးပါပြီ။
ဤ၀တ္ထုတွင်လည်း ရိုးသားဖြူစင်သော လူတွေသာ ဘ၀၏ ပျော်ရွှင်မှုကို ခံစားတတ်ကြောင်း၊ ပျော်ရွှင်မှုကို ရှာဖွေတတ်ကြောင်း ဖော်ပြထားသည်။ ၀တ္ထုအစမှာပင် ပျော်ရွှင်စရာကောင်းသော ဆင်းရဲသား မိသားစု အကြောင်းကို ရေးဖွဲ့ထားသည်။ ဆင်းရဲသား ဖိနပ်ချုပ်သမားသည် အလုပ်ကို ကြိုးစားလုပ်သော်လည်း ငွေကြေး မချမ်းသာခဲ့ပေ။ “ ဘုရားသခင်က တစ်နှစ်ကို ကလေးတစ်ယောက် တိုးနှုန်းနည်းဖြင့် စွန့်ကျဲခဲ့သည်။ တစ်ခါတရံတွင် ယောက်ျားလေးဖြစ်ပြီး တစ်ခါတရံတွင် မိန်းကလေးဖြစ်သည်။ ကလေးတိုင်းမှာ ကျန်းမာသန်စွမ်း ၀ဖြိုးကြသည်” ဤစာပိုဒ်က စာဖတ်သူများကို ကရုဏာသက်စေသည်။ ဆင်းရဲသော်လည်း ဖခင်၏ မေတ္တာရိပ်အောက်တွင် ကလေးတိုင်းက ကျန်းမာပျော်ရွှင်စွာ ကြီးပြင်းခဲ့ကြသည်။ ဆင်းရဲသော မိသားစုမှ ပေါက်ဖွားလာသော်လည်း နေအိမ်မှာ ပျော်ရွှင်ရယ်မောခြင်းများဖြင့် ပြည့်နေခဲ့သည်။ အပေါ်ထပ် အိမ်ကြီးဆောင်တွင် နေထိုင်သော အိမ်ရှင်သူဌေးမှာ တစ်ယောက်တည်း အထီးကျန်ပြီး စိတ်ညစ်နေသည်။ မရေမတွက်နိုင်သော ငွေကြေးများကို ပိုင်ဆိုင်သော်လည်း “ပျင်းရိဖို့ ကောင်းတဲ့ ဒီလောကကြီးမှာ လူတစ်ချို့က ဘာလို့ ဒီလောက် ပျော်ရွှင်နေပြီး ငါ့မှတော့ တစ်ယောက်တည်း အထီးကျန်ဆန်နေရသလဲ.. ?”
ငွေကြေးဖြင့် အရာတိုင်းကို ၀ယ်ယူ၍ မရနိုင်။ လောကကြီးတွင် ငွေကြေးဖြင့် စိတ်ချမ်းသာ ပျော်ရွှင်မှုကို ၀ယ်ယူ၍ လုံးဝ မရနိုင်ပေ။
နိုင်းနိုင်းစနေ ဘာသာပြန်ပါတယ်။
