ယောက်ျားများကို အန်စေသော မိန်းမ

၁. အစာစားလျှင် ပလပ်ပလပ်မြည်အောင် စားတတ်သော မိန်းမ
၂. ဆံပင် ရှုပ်ပွပြီး လက်သည်းများ မည်းညစ်နေသော မိန်းမ
၃. ရင့်ကျက်သယောင် ဟန်ဆောင်ပြီး ဆရာလုပ်တတ်သော မိန်းမ
၎. အသားအရည် ကြမ်းတမ်းသော မိန်းမ
၅. အခြယ်သလွန်ပြီး ခေတ်ရှေ့ပြေးသော မိန်းမ
၆. အထဲကို ဖောက်ထွင်း မြင်နိုင်လောက်အောင် အပြင်အင်္ကျီပါးပါး ၀တ်တတ်သော မိန်းမ
၇. လမ်းလျောက်လျှင် တစ်ဖပ်ဖပ် မြည်အောင်လျောက်သော မိန်းမ
၈. အသံထွက်အောင် လေချဉ်တက်ပြီး နှာခေါင်းပေါက်နှိက်တတ်သော မိန်းမ
၉. တစ်ပျစ်တောက်တောက် ရွတ်တတ်ပြီး ဖြတ်ထိုးဥာဏ်နည်းသော မိန်းမ
၁၀. မျက်စိကို ဓာတ်လွှတ်နေသကဲ့သို့ ညှိ့ကစားတတ်သော မိန်းမ
၁၁. မျက်ရည်အကျလွယ်ပြီး အငိုသန်သော မိန်းမ
၁၂. အိမ်ထောင်ကျပြီးသော်လည်း လျှပ်ပေါ်လော်လီနေတတ်သော မိန်းမ
၁၃. အသုံးအဖြုန်းကြီးသော မိန်းမ
၁၄. ခြေသလုံး တုတ်ပြီး စကပ်တို ၀တ်တတ်သော မိန်းမ
၁၅. သဘောထား သေးသိမ်သော မိန်းမ
၁၆. သရေစာ မစားဘူး ၊ ဒိုင်ယာရီ မရေးဖူးဘူးဟုဆိုသော မိန်းမ
၁၇. မိတ်ကပ်မလိမ်းတတ်ဘဲ လိမ်းထားသော မိန်းမ
၁၈. ပေါ့ပေါ့တန်တန် နေတတ်သော မိန်းမ
၁၉. ဟာသဥာဏ် မရှိသော မိန်းမ
၂၀. မြူဆွယ်တတ်သော မိန်းမ
၂၁. သူငယ်ချင်း ချစ်သူရီးစားကို ထမင်းမဖိတ်ကျွေး လက်ဆောင်မပေးဖူးသော မိန်းမ
၂၂. အပြောအဆို မတတ်သော မိန်းမ
၂၃. ယောက်ျားအများကို တုံးအတဲ့ တဏှရူးတွေဟု ထင်သော မိန်းမ
၂၄. လူအများရှေ့တွင် ခြေအိတ်ကောက်စွပ်တတ်သော မိန်းမ
၂၅. အချိန်းအတွေ့ ခံချင်ပြီး ချိန်းတွေ့ရင် ပျက်ကွက်တတ်သော မိန်းမ
၂၆. ရုပ်ဆိုးပြီး စိတ်ပါပုပ်သော မိန်းမ
၂၇. လိုအပ်သည်ထက် အ၀လွန်သော မိန်းမ

ဘာမှကို မကျန်တော့ပါလားနော်...အန်စေတဲ့အထဲမှာ ကျွန်မလဲ အပါအ၀င်ပါ။ ဆဲမယ်ဆိုရင်လည်း ခံပါ့မယ်... အဟဲ...ဖြစ်တတ်တာလေးတွေပါ။ ၀မ်းနည်းတာတွေပဲ ရေးနေလို့လဲ မဖြစ်သေးဘူး။ တခါတလေ ပေါ့ပေါ့ပါးပါးပေါ့။ ဆီလျှော်အောင် ဘာသာပြန်ပါသည်။

နိုင်းနိုင်းစနေ

Read More...

Collapse...

မိန်းမများကို အန်စေသော ယောက်ျား

၁. ကိုယ့်အောင်မြင်မှုကို ပါးစပ်ဖျားက မချတတ်သော ယောက်ျား
၂. ခေါင်းလိမ်းဆီကို ရွဲနစ်နေအောင် လိမ်းတတ်သော ယောက်ျား
၃. ဆီများရွဲနစ်နေသော ဆံပင်တွင် ဘောက်များကပ်နေသော ယောက်ျား
၎. ရေမချိုးဘဲ အနံ့ပြင်းသော ယောက်ျား
၅. နှာခေါင်းထဲက အမွေးများ နှာခေါင်းပေါက်အပြင်ထိ ရှည်ထွက်နေသော ယောက်ျား
၆. လေကြီးပြီး ကြွားဝါတတ်သော ယောက်ျား
၇. မိန်းကလေးများကြားတွင် မျက်နှာပန်းလှသည်ဟု ထင်နေသော ယောက်ျား
၈. အရာရာတွင် တွန့်တိုတတ်ပြီး အထူးသဖြင့် မိန်းကလေးနှင့်အပြိုင် တွန့်တိုတတ်သော ယောက်ျား
၉. အာပုပ်စော်နံသော ယောက်ျား
၁၀. ငွေကြေးအားကိုးပြီး မြက်နုကြိုက်သော နွားအို...အဲလေ..ယောက်ျား
၁၁. လက်ရဲ ဇက်ရဲ တဏှာယောက်ျား
၁၂. မိန်းကလေးနှင့် တခါချိန်းတွေ့ပြီး ဟိုလိုလို ဒီလိုလို ထင်အောင် ပြောတတ်သော ယောက်ျား
၁၃. ချက်အောက်ပိုင်း အရာများဖြင့် အမြဲဟာသ လုပ်ပြောတတ်သော ယောက်ျား
၁၄. မိန်းကလေးအထာ ငါနှပ်တယ်ဟု အမြဲပြောတတ်သော ယောက်ျား
၁၅. ကြမ်းတမ်းသော ယောက်ျား။ အထူးသဖြင့် ပါးစပ်ပြောရင် လက်ပါ ပါတတ်သော ယောက်ျား
၁၆. ရုပ်ကိုချစ်တာ မဟုတ်ဘူး.. စိတ်ထားကို ချစ်တာဟု မိန်းကလေးတိုင်းကို ပြောတတ်သော ယောက်ျား
၁၇. အိုင်တွေ့တိုင်း ခြေဆေးတတ်သော ယောက်ျား
၁၈. ဘာမဆို ငါသိတယ် တတ်တယ်ဟု ထင်နေသော ယောက်ျား
၁၉. စကားပြောပြီးနောက် နုတ်ခမ်းဘေးတွင် တံထွေးမြုပ်များ ကပ်ကျန်ခဲ့တတ်သော ယောက်ျား
၂၀. သားသမီးများက တစ်ခုခုမေးလျှင် “နင်တို့အမေကို သွားမေး” ဟု ပြောတတ်သော ယောက်ျား
၂၁. ဆေးလိပ်သောက် ကွမ်းစားပြီး သွားများ မည်းညစ်နေသော ယောက်ျား
၂၂. မိန်းမ၏ စေညွှန်ရာတွင် ကနေရသော ယောက်ျား
၂၃. နိုက်ကလပ် မသွားဖူးဘူးဟု ပြောတတ်သော ယောက်ျား
၂၄. စကားတစ်ခွန်းကို ကွေ့ကောက်လိမ်ပတ်ပြီး သုံးခွန်းဖြစ်အောင် ပြောတတ်သော ယောက်ျား
၂၅. ပိုက်ဆံရှိသော မိန်းကလေးများကိုသာ ရွေးချစ်တတ်သော ယောက်ျား
၂၆. မီးဝါကို ဖြတ်မမောင်းဘဲ ကိုယ့်ကို စည်းကမ်းသေ၀ပ်သူဟု ထင်သော ယောက်ျား
၂၇. မိန်းမဆန်ဆန် ၀တ်စားတတ်သော ယောက်ျား
၂၈. အ၀တ်အစားကို တင်းကျပ်နေအောင် ၀တ်တတ်သော ယောက်ျား
၂၉. ရှိသမျှလက်ချောင်းတွင် ရွေလက်စွပ်များ စွပ်ထားတတ်သော ယောက်ျား
၃၀. အင်္ကျီကြယ်သီး သုံးလုံးအထက်ကို မတပ်ဘဲ ကိုယ့်ကို ဆက်စီလုပ်ချင်သော ယောက်ျား
၃၁. အထက်လူကြီးကို ဖားပြီး အိမ်ပြန်ရောက်လျှင် မိန်းမကို ရန်ရှာတတ်သော ယောက်ျား
၃၂. ချိန်းတွေ့တိုင်း မိန်းကလေးများကို အကုန်အကျခံစေသော ယောက်ျား

ဒါလဲ ဘာမှကို မကျန်ပါလား...ကျွန်မရေးမိ အပြစ်ရှိ၏...အဆဲခံရန် အသင့်ပါ...း) ဆီလျော်အောင် ဘာသာပြန်သည်။

original from: http://www.youthwant.com.tw
နိုင်းနိုင်းစနေ ဘာသာပြန်သည်။

Read More...

Collapse...

ယောက်ျားများကြောက်သော မိန်းမ

ကြည့်ရတာ စိတ်ဝင်စားကြတဲ့အတွက် ထပ်တင်လိုက်ပါတယ်။ ကျွန်မလည်း ဒီ(၁၀)မျိုးထဲက အနည်းဆုံး ၇ မျိုးလောက်တော့ နည်းနည်းစီပါ ပါတယ်။ အချိန်ယူပြီး ၀င်ရောက်ဖတ်ရှုတဲ့အတွက်လည်း ကျေးဇူးတင်ပါတယ်။

ဘယ်လို မိန်းကလေးမျိုးကို ယောကျာ်းများ ကြောက်ကြပါသလဲ။ မိန်းကလေးတိုင်း (၁၀)မျိုးထဲတွင် တစ်မျိုးမက နှစ်မျိုးပါဝင်နေမည်မှာ အေကန်မလွဲပင်။ သင်သည် ဘယ်လိုမိန်းကလေးမျိုးလဲ ကိုယ်ကို သုံးသပ်ဖူးပါသလား။

(၁) ညစ်ပတ်သောမိန်းမ
ညစ်ပတ်သောယောကျာ်းမှာ ချစ်သူရနိုင်သော်လည်း ညစ်ပတ်သော မိန်းကလေးကိုမူ နှာခေါင်းရှုံချင်ကြသည်။ မသန့်ရှင်းသော မိန်းကလေးများ၏ အိပ်ခန်းမှာ အမှိုက်ဗုံးများ ပေါက်ကွဲထားသလို ကျောချစရာမရှိအောင် ရှုတ်ပွနေတတ်သည်။ ပစ္စည်းတစ်ခု ပျောက်လျှင် လွယ်လွယ်နှင့် ရှာလို့မရတော့ပေ။ ၄င်းကဲ့သို့သော မိန်းကလေးသည် အပြင်ထွက်လျှင် ရှုပ်ပွနေသော အိတ်ထဲမှ သော့ကို အလွယ်တကူ ရှာမတွေ့ နိုင်တော့။ ၀တ်ထားသော အ၀တ်အစားမှာလည်း အ၀တ်လျှော်စက်ထဲက ယခုမှထုတ်လာသည့် အတိုင်းပင်၊ ၀တ်ထားသော အနွေးထည်မှာလည်း ကြယ်သီးများပြုတ်၊ ချုပ်ရိုးများ ပြေနေတတ်သည်။ လက်သည်း ခြေသည်းများလည်း ဂျီးများနှင့် မဲနေတတ်ပြီး ဆိုးထားသော လက်သည်းနီများလည်း ညီညာမှု မရှိပေ။ အဆိုးဆုံးမှာ စကားပြောဖို့ ပါးစပ်ဟလိုက်သည်တွင် အာပုပ်နံ့ရနေတတ်သည်။ သွားများတွင်လည်း ဟင်းဖတ်များ ကပ်နေတတ်သည့်အပြင် နုတ်ခမ်းနီများလည် ပေကျံနေတတ်သည်။

(၂)အတင်းပြောသောမိန်းမ
BMW ကုမ္ပဏီမှထုတ်သောကားများကို ယောကျာ်းများကြိုက်ကြသော်လည်း BMW (Big Mouth Women)မိန်းကလေးများကိုတော့ လန့်တတ်ကြသည်။ တစ်အိမ်တက်ဆင်းဖြင့် အတင်းပြောနေရလျှင် ထမင်းမေ့ ဟင်းမေ့သောသူဖြစ်သည်။ တစ်ခါတရံ သူမပြောသော စကားများသည် အမှန်ဖြစ်ကြောင်း ယောကျာ်းလေးများကို သူမအား ထောက်ခံရန် မဲဆွယ်တတ်သေးသည်။ တချို့ယောကျာ်းလေးများက မထောက်ခံလျှင် သူမသာ အမှန်ြဖစ်ကြောင်း ငြင်းချက်များထုတ်တတ်သေးသည်။ ထိုမိန်းကလေးမျိုးကို အိမ်ထောင်ပြုမိပါက ယောက္ခမနှင့် ချွေးမတို့၏ စစ်ပွဲ စတင်ခြင်းပင် ဖြစ်သည်။ ၄င်းအပြင် ဆွေမျိုးသားချင်း သူငယ်ချင်းများကပါ စက်ကွင်း မလွတ်နိုင်တော့ချေ။ အတင်းပြောတတ်သော အမှန်မကန် စကားပြောတတ်သော မိန်းကလေးများကို ယောကျာ်းလေးများသာမက မိန်းကလေးများလည်း ဝေးဝေးရှောင် နိုင်ရမည်။သူမ၏ အမှန်မကန် ပြောသော စကားလေပွေထဲတွင် ၀င်မပါမိအောင် သတိထားရမည်ဖြစ်သည်။

ြ(၃)စကားများသောမိန်းမ
ထိုမိန်းကလေးမျိုးသည် စကားပြောရတွင် မိမိပြောချင်ရာ ဇွတ်ပြောတတ်သည် ၊ စဉ်းစားဆင်ခြင်မှု နည်းသည်။ မပြောသင့်သော စကားကို အချိန်အခါမဟုတ် မပြောထိုက်သောလူကို ပြောတတ်သည်။ ဆွေမျိုးသားချင်း သူငယ်ချင်းများကြားတွင် အထင်လွဲစရာဖြစ်အောင် ပြောခြင်း၊ သူတစ်ပါး သိက္ခာကျအောင် လေးစားမှု လျော့အောင်ပြောခြင်းများ ပြုလုပ်တတ်သည်။ ကိုယ်ကို သွက်လက်ချက်ချာသည်ဟု အထင်ကြီး နေတတ်သူဖြစ်သည်။

(၄) ခိုင်းနိူင်းတတ်သောမိန်းမ
ထိုမိန်းကလေးမျိုးသည် စိတ်အနှောင့်အယှက် အပေးဆုံးမိန်းကလေးဖြစ်သည်။ ဘယ်အရာမဆို နိူင်းယဉ်နေတတ်သည်။ တစ်ခြားမိန်းကလေး၏ ရည်းစား(သို့) ယောကျာ်းကို နိုင်းယှဉ်ကြည့်ပြီး အသုံးမကျသော ယောကျာ်းဟု၍ လက်ညိုးထိုး ပြီး ဆဲတတ်သော မိန်းကလေးမျိုးဖြစ်သည်။ တကယ်တမ်းဆိုရလျှင် အသုံးဝင်သော ယောကျာ်းကို သူမရွေးသင့်ပြီး ထိုအသုံးမ၀င်သော ရည်းစား(သို့) ယောကျာ်းအတွက် စိတ်မတိုနေသင့်ပေ။ တစ်ခြားသူနှင့် နိုင်းယဉ်ပြီး ဆဲနေစရာမလိုပေ။ မိမိ ရွေးယူထားသောကြောင့် မိမိကိုယ်သာ အပြစ်တင်ရမည်ဖြစ်သည်။ လူတိုင်းတွင် အရည်အချင်း တစ်ခုစီ ရှိတတ်ကြသည်။ ယောကျာ်းလေးတစ်ယောက် မိမိကိုယ်ကို ယုံကြည်မှုနည်းသွားအောင် တစ်ခြားလူနှင့် ခိုင်းနိုင်းပြီး မဆဲသင့်ပေ။ ထိုယောကျာ်းလေးအတွက် ကံမကောင်းဆုံးအရာ အသုံးမကျဆုံး အရာမှာ ထိုမိန်းကလေးမျိုးကို ရွေးမိခြင်းပင်ဖြစ်သည်။


(၅) နှုတ်ကြမ်းသောမိန်းမ
စကားပြောကြမ်းသော မိန်းကလေးမျိုးသည် လုပ်ငန်းခွင်တွင်ဖြစ်စေ ပတ်ဝန်းကျင်တွင်ဖြစ်စေ ဆက်ဆံရခက်သော မိန်းမဟု နာမည်ကြီးတတ်သည်။ ပစ္စည်းတစ်ခု သွားဝယ်သည်ဖြစ်စေ အစားသွားစားသည်ဖြစ်စေ ဆိုင်ဝန်ထမ်းနှင့် ရန်ဖြစ်ခဲ့ရမှ ကျေနပ်သော မိန်းကလေးမျိုးဖြစ်သည်။ ထိုမိန်းကလေးမျိုးနှင့် အတူအပြင်ထွက်မိလျှင် ရှက်လွန်း၍ မျက်နှာ ဖွက်ထားစရာမရှိ အောင်ဖြစ်တတ်သောကြောင့် သူမနှင့်မရင်းနှီးသလို ဟန်ဆောင်က ခပ်လှမ်းလှမ်းတွင် နေချင်ကြသည်။ ထစ်ခနဲဆို ရန်ဖြစ်ချင်သော နုတ်ကြမ်းသော မိန်းကလေးမျိုးကို လက်ထပ်ပြီး မိဘနှင့်အတူ နေရမည့် ပုံရိပ်ကို မြင်ယောင်ဖူးပါသလား။ ထိုမိန်းကလေးမျိုးကို ရွေးချယ်မည့်အစား သူမလောက် အသုံးမ၀င်သော၊ တုံးအသော၊ သာမန်သော မိန်းကလေးမျိုး ကိုသာ ယောကျာ်းလေးအများစုက ရွေးချယ်မည်ပင်။

(၆) သ၀န်တိုလွယ်သောမိန်းမ
ထိုမိန်းကလေးမျိုးသည် မိမိကိုယ်ကို ယုံကြည်မှုနည်းသလို တစ်ပါးသူကိုလဲ မယုံကြည်သော မိန်းကလေးဖြစ်သည်။ ယောကျာ်းလေး အသက်ရှူမချောင် နိုင်လောက်အောင် ချုပ်ချယ်တတ်သော မိန်းကလေးမျိုးလည်းဖြစ်သည်။ သံသယစိတ် ၀င်လာလျှင် ရှင်းပြတာကိုနားထောင်မနေတော့ သ၀န်တို စိတ်ကောက်ဖို့က ပထမပင်။ သူမ၏ရည်းစား(သို့) ယောကျာ်း၏ သူငယ်ချင်းများကိုလည်း မိမိရည်းစားနှင့် အပေါင်းအသင်းမလုပ်ရန် ပြောတတ်သောကြောင့် သူငယ်ချင်းများက ထိုမိန်းမမျိုးနှင့် ပတ်သက်သော ယောကျာ်းလေးကိုပါ ရှောင်လာတတ်ကြသည်။ ထိုအခါ ယောကျာ်းလေးမှာ အကျဉ်းချထားသလို ခံစားရသော်လည်း မိန်းကလေးမှာမှု ပျော်ရွှင်နေတတ်သည်။ လူဆိုသည်မှာ အဖွဲ့အစည်း အသိုင်းအ၀န်းနှင့် နေသော အမျိုးဖြစ်သည်။ အသက်ရှူရန် နေရာလေး တစ်ခု ချန်မထားဘဲ ချုပ်ချယ်တတ်သော ထိုမိန်းကလေးမျိုးကို ယောကျာ်းလေးများက ရှောင်ချင်ကြသည်။

(၇) တုံးအသောမိန်းမ
အာလာဒင် ပုံပြင်ကို နားထောင်ဖူးကြပါသလား။ ထိုပုံပြင်ထဲက အာလာဒင်၏ တုံးအသော မိန်းမသည် မသိနားမလည်သည်ကို မမေးဘဲ ဆီမီးခွက်ကို ခွက်စုတ်ဟု အထင်ဖြစ် ရောင်းလိုက်ဖူးသည်။ ထိုမိန်းကလေးမျိုးသည် ဥစ္စာပစ္စည်းပေါ်တွင်ဖြစ်စေ အတွေးအခေါ်ပိုင်းတွင် ဖြစ်စေ အလွယ်တကူ အလိမ်မိတတ်
သည်။ ယခုခေတ်တွင် ထိုကဲ့သို့ တုံးအသော မိန်းကလေးမျိုး နည်းပါးသွားပြီလား။ ထက်မြက်ပြီး တွေးခေါ်ဆင်ခြင်ဥာဏ် ရှိသော မိန်းကလေးမျိုးကို ယောကျာ်းလေးက လေးစားသော်လည်း တုံးအသော မိန်းကလေးမျိုးမှာမှု ယောကျာ်းလေးအတွက် ဆူးညှောင့်ခလုတ် တစ်ခုလိုပင်။ ယခုခေတ် မိန်းကလေးများသည် မိမိကိုယ်ကို ထက်မြက်မှု အပြည့်အ၀နှင့် ယုံကြည်မှု ရှိနေသင့်သည်။ သူတစ်ပါးကြင်နာလာအောင် တုံးအ ဟန်ဆောင် မနေသင့်ပေ။ တုံးအတိုင်း အပြစ်မဲ့သည် မဟုတ်။ တုံးအလျှင် ဖယ်ထုတ်ခြင်းခံရမည်မှာ ဧကန်မလွဲပင်။


(၈) ငွေသုံးကြမ်းသောမိန်းမ
Shopping Mechine ကဲ့သို့သော မိန်းကလေးမျိုးမှာ လိုအပ်သည်ဖြစ်စေ မလိုအပ်သည်ဖြစ်စေ ပစ္စည်းအ၀ယ်ကြမ်းသော သူဖြစ်သည်။ ယောကျာ်းလေး အနည်းစုမှာ ထိုမိန်းကလေးမျိုးနှင့် ကြုံရန် မကြောက်ကြသော်လည်း အကောင်းမြင် အမြင့်ကြိုက်သော သူမအတွက် မိမိအိတ်ထဲမှ ငွေများ အလာဟသ စီး
ဆင်းကုန်မည်ကို ကြောက်တတ်ကြသည်။ ဥစ္စာ ပစ္စည်းထဲတွင်သာ နစ်မျှောနေတတ်သော မိန်းကလေးမျိုးသည် အများအားဖြင့် စိတ်သဘောထား သေးသိမ်တတ်သည်။ တစ်ကိုယ်ကောင်း ဆန်တတ်သည်။ စိတ်တိမ်းညွတ် လွယ်သည်။ လိုချင်သော ပစ္စည်းရရန် မိမိကိုယ်ကို သစ္စာဖောက်ခြင်း၊ တန်ဖိုးမထားခြင်းများဖြင့် ရမ္မက်အိုင်ထဲတွင် နစ်နေတတ်ကြသည်။ မြင်သမျှ ၀ယ်ယူတတ်သော မိန်းကလေးမျိုးနှင့် ဈေးသွားလည်ဖူးသော ယောကျာ်းလေးများမှာ ရင်ထဲတွင်နာကျင် နှမြောသမျှကို ဖုံးကွယ်ရင်း ဒုတိယအကြိမ် သွားရမည်ကို ခေါင်းခါကြမည်ပင်။

(၉) လမ်းခွဲစကားပြောလွယ်သောမိန်းမ
ဘာမဟုတ်သော ကိစ္စလေးတခုဖြင့် လမ်းခွဲဖို့ပြောတတ်သော ထိုမိန်းကလေးမျိုးသည် တကယ့်ခွါရခက်သော မိန်းကလေးမျိုးဖြစ်သည်။ လမ်းခွဲကြစို့ဟု အမြဲပြောတတ်သည်မှာ သူမ၏ အကျင့်တစ်ခုလို ဖြစ်နေသည်။ တကယ်တမ်း ယောကျာ်းလေးဘက်က လမ်းခွဲတော့မည်ဆိုလျှင် ငိုယိုပြီး လက်မခံတော့။ လမ်းခွဲစကားပြောခြင်းသည် အခံရခက်သော ဝေဒနာတစ်ခု ဖြစ်သည်။ ပြောသူက အကျင့်တစ်ခု အနေဖြင့် ပြောသော်လည်း ခံရသူမှာ တစ်ခါပြောတိုင်း တစ်ခါ အသဲနင့်အောင် ခံစားရတတ်သည်။ နှလုံးသားတွင် အမာရွတ်အထုံး များကျန်နေခဲ့တတ်သည်။ တကယ့် လမ်းခွဲတော့မည်ဆိုလျှင် တစ်ကြိမ်ထဲဆုံးဖြတ် တစ်ခါထဲ လမ်းစဖျောက်လိုက်တာက ခံရပိုသက်သာဦးမည်။ လမ်းခွဲစကားဖြင့် တစ်ဖက်သားကို ခြိမ်းခြောက်နေသောသူသည် နုံအသောသူသာလျှင်ဖြစ်သည်။

(၁၀) ချွဲနွဲ့လွန်သောမိန်းမ
မိန်းကလေးတိုင်းချွဲနွဲ့တတ်သည်မှာ သဘာဝပင်ဖြစ်သည်။ သို့သော် အချွဲနွဲ့လွန် မိန်းကလေးများမှာ လူအမြင်ကပ်စရာဖြစ်သည်။ ထိုမိန်းကလေးမျိုးသည် အမြဲတမ်း အချော့ခံချင်၊ လူတွေဂရုစိုက်နေတာကို ခံချင်နေသော မိန်းကလေးမျိုးဖြစ်သည်။ လူရှေ့တွင် စကားပြောလျှင် နုတ်ခမ်းလေး ဟချင် မဟချင်နှင့်(ခေတ်စ
ကားနှင့်ပြောရလျှင် ဘဲများလွန်းနေခြင်းဖြစ်သည်) လူကွယ်ရာတွင်မှု ဆန့်ကျင်ဖက် ဖြစ်နေတတ်သည်။ ယခုခေတ် မိန်းကလေးများသည် တဖက်သား သနားကြင်နာလာအောင် ညုာတာလာအောင် ဟန်ဆောင်ချွဲနွဲ့ပြီး အားနွဲ့ မနေသင့်တော့ပေ။ ယောကျာ်းလေးတွေနှင့် တန်းတူ မဟုတ်တောင် ယောကျာ်းလေးနီးနီး လုပ်နိုင်ကိုင်နိုင်စွမ်း ရှိကြောင်းကို ပြသင့်သောအချိန်ပင်ဖြစ်သည်။

နိုင်းနိုင်းစနေ ဘာသာပြန်သည်။

Read More...

Collapse...

အသင့်တော်ဆုံးချစ်သူ

အချစ်မှာ ပုံသေနည်းမရှိဘူး! အချစ်အတွက် ဖွင့်ဆိုထားတဲ့ အချက်အလက်ကောင်းတိုင်းက လူတိုင်းနဲ့ သင့်တော်ချင်မှ သင့်တော်လိမ့်မယ်။ ကောင်းတယ်လို့ ကိုယ်ထင်ထားတဲ့အချစ်ကို တစ်ခြားလူကြိုက်ချစ်မှ ကြိုက်မယ်။ မကောင်းဘူးလို့ ကိုယ်ထင်ထားတဲ့ အချစ်က တစ်ခြားလူရဲ့ မျက်စိထဲမှာ လုံးဝကောင်းတယ်လို့ ထင်နေကြမယ်။ အချစ်မှာ အကောင်းဆုံးဆိုတာ မရှိဘူး။ အသင့်တော်ဆုံး ဆိုတာပဲရှိတယ်။

ဥပမာ (၁)

ရည်ရွယ်ချက်ကြီးကြီးမားမား မရှိတဲ့ မောင်မောင်က ကိုယ်ပိုင်အိမ်လေးတစ်လုံး၊ တည်ငြိမ်တဲ့ ဘဝနဲ့ မိသားစုတစ်ခုကို ပိုင်ဆိုင်ချင်မိတယ်။ သူလိုချင်တဲ့ ဘဝမျိုးကို လွယ်လွယ်ကူကူ မရနိုင်ဘူးဆိုတာ မောင်မောင်သိတယ်။ ဘာဖြစ်လို့လဲဆိုတော့ အလုပ်ပင်ပင်ပန်းပန်း လုပ်ရတာကို မောင်မောင်မကြိုက်လို့ပဲ။ အလုပ်စောစောဆင်း၊ ကိုယ်တိုင် ချက်ပြုတ်စားသောက်၊ အဝတ်လျှော်ဖို့ကလွဲပြီး လက်ရှိအလုပ်ထက် ပိုကောင်းတဲ့အလုပ်ကို မောင်မောင် မရှာချင်ခဲ့ဘူး။

ကျောင်းနေဖက် သူငယ်ချင်းတွေ တစ်ယောက်ပြီးတစ်ယောက် အရာရှိတွေ ဖြစ်ကုန်ကြပေမယ့် မောင်မောင်က သာမန် ဝန်ထမ်းအဆင့်ကနေ မတက်ခဲ့ဘူး။ မောင်မောင့်ချစ်သူ ဝေဝေတစ်ယောက် မာစတာအောင်ပြီး နိုင်ငံခြားကုမ္ပဏီတစ်ခုမှာ အလုပ်ရတဲ့အချိန် သူတို့အချစ်ရေးကို လူတွေက ထင်ကြေးအမျိုးမျိုး ပေးခဲ့ကြတယ်။ ဒါပေမယ့် မောင်မောင်ကို ဝေဝေမထားခဲ့ဘူး။ ဝေဝေလခတွေ တိုးပြီး ကုမ္ပဏီက ဒါရိုက်တာရာထူး ခန့်အပ်ခံလိုက်ရတဲ့အခါ လူတွေက အဆင့်အတန်းမတူတဲ့ မောင်မောင်တို့ရဲ့အချစ်ရေးကို လုံးဝဆုံးခန်းတိုင်ပြီလို့ ထင်ကြေးပေးကြပြန်တယ်။ ဒါပေမယ့် မောင်မောင်ကို ဝေဝေလက်ထပ်လိုက်တယ်။

လက်ထပ်ပြီးနောက် ဝေဝေ နိုင်ငံခြားမှာ အလုပ်သွားလုပ်ခဲ့တယ်။ ၂ နှစ်နေပြီးနောက် ကလေးတစ်ယောက် မွေးဖွားခဲ့တယ်။ မောင်မောင် အလုပ်ကထွက်ပြီး အိမ်မှာပဲ ကလေးထိန်းခဲ့တယ်။

မိတ်ဆွေတွေက မောင်မောင် အလုပ်ထွက်လိုက်တာကို စိုးရိမ်နေကြတယ်။ ကလေးကြီးလာပြီး ကိုယ်ပါအသက်အရွယ် ကြီးလာရင် အလုပ်ထပ်ရှာရခက်လိမ့်မယ် လို့လည်း ပြောကြတယ်။ မောင်မောင်က ကလေးတွေကြီးလာရင် မြေးတွေကို ထိန်းရဦးမယ်။ မိန်းမက ဒီလောက် ပိုက်ဆံအရှာတော်နေမှတော့ သူဘာအလုပ် ထပ်လုပ်စရာ လိုသလဲလို့ ပြောတယ်။

ဝေဝေရဲ့ သူငယ်ချင်းတွေကလည်း ဝေဝေကို "ကိုယ့်ဘေးမှာ လုံးဝပြီးပြည့်စုံတဲ့ လူတွေ ဝိုင်းဝိုင်းလည် နေရက်သားနဲ့ ဘာဖြစ်လို့ တကယ့်အသုံးမကျတဲ့သူကိုမှ ပိုချစ်ရတာလဲ" လို့ မေးတော့ ဝေဝေက "ကျွန်မ အလုပ်အရမ်းလုပ်ချင်တယ်။ မိသားစုလိုချင်တယ်၊ ကလေးလိုချင်တယ်။ ဒါကြောင့် အလုပ်မလုပ်တဲ့ ယောက်ျားတစ်ယောက်ကို လိုချင်တယ်။ ဒါမှ ကလေးတွေကို ကျွန်မအစား သူစောင့်ရှောက်မှ ကျွန်မစိတ်ချချ အလုပ်လုပ်နိုင်မှာ" လို့ ပြန်ဖြေခဲ့တယ်။

ဥပမာ (၂)

စုစုက သန့်ရှင်းမှုဆိုတာနဲ့ လုံးဝမပတ်သက်သူဖြစ်တယ်။

ထမင်းချက်ဖို့ မပြောနဲ့ အဝတ်လျှော်၊ တံမြက်စည်းတောင် မလှဲတတ်တဲ့သူဖြစ်တယ်။ ငယ်ငယ်ကနေ ကြီးလာတဲ့အထိ ကိုယ်ခြုံတဲ့ စောင်ကိုတောင် မခေါက်ဖူးတဲ့သူဖြစ်တယ်။ အခန်းထဲမှာရှိတဲ့ စုစုရဲ့ ပစ္စည်းတွေက အချိန်မရွေး ပြိုကျနိုင်လောက်အောင် ရှုတ်ထွေးတယ်။ သပ်သပ်ရပ်ရပ်နဲ့ သန့်ရှင်းအောင် စုစုလုပ်တတ်တဲ့ အလုပ်တစ်ခုက အလှပြင်တာပဲဖြစ်တယ်။ သူ့အိမ်ကို ရောက်ဖူးတဲ့ သူငယ်ချင်းတွေက စုစုကို လက်မြောက်သြချကြတယ်။ အင်္ကျီင်္တစ်ထည်ကို ရှုတ်ထွေးတဲ့ အခန်းထဲကနေ ရှာပြီး ကိုယ့်ကိုယ်လှလှပပ ဝတ်ဆင်နိုင်လို့ပါပဲ။

စုစုရဲ့အမေက စုစုကို အမြဲဆူတယ်။ ဒီလို အိမ်မှုကိစ္စမနိုင်၊ ညစ်ပတ်တဲ့စုစုကို ဘယ်သူ့မှ ယူမှာမဟုတ်ဘူးလို့ အမြဲပြောတယ်။ ချစ်သူရည်းစားရှိခဲ့ရင်လည်း စုစုအခန်းထဲ ရောက်တာနဲ့ လန့်ပြီး ထွက်ပြေးသွားနိုင်တယ်လို့လည်း ပြောတယ်။

ဒါပေမယ့် စုစု အိမ်ထောင်ကျခဲ့ပါတယ်။ စုစုယောက်ျားက စုစု မသန့်ရှင်းတဲ့အကြောင်းကို တစ်ခွန်းမှဟပြီး မဆူခဲ့ပါဘူး။ စုစုရဲ့ယောက်ျားက အနုပညာသည်ဖြစ်တယ်။ သူ့အတွက် စုစုက သူရဿတီ နတ်သမီး (MUSE goddess) ဖြစ်တယ်။ သူ့အတွက် စုစုထမင်းချက်၊ တံမြက်စည်း လှဲစရာမလိုဘူး။ အိမ်အပြည့် စုပုံထားတဲ့ သူ့အနုပညာပစ္စည်းတွေကို စုစုယောင်လို့တောင် မထိခဲ့ဖူးဘူး။ ရှုတ်ထွေးနေတဲ့ အခန်းက သူ့အတွက် အနုပညာဖြစ်ခဲ့တယ်။ တာကျိုးမလား ထင်ရလောက်တဲ့ အဝတ်ပုံကြားထဲကနေ မနက်စောစော နိုးထလာရတာကိုက သူ့အတွက် ရိုမန်တစ်ဆန်တယ်လို့ ထင်နေခဲ့တယ်။

အချစ်မှာ အကောင်းဆုံးဆိုတာ မရှိဘူး။ အသင့်တော်ဆုံး ဆိုတာပဲရှိတယ်။

တစ်ချို့က အသည်းကွဲသူတစ်ယောက်ကို နောက်တစ်ယောက် ပိုကောင်းလိမ့်မယ်။ သူ့ထက်ပိုကောင်းတဲ့ချစ်သူ တွေ့လိမ့်မယ်လို့ နှစ်သိမ့်ကြတယ်။ ဒါပေမယ့် ပိုကောင်းတယ်ဆိုတဲ့ သတ်မှတ်ချက်မှာ လူတိုင်းမတူညီခဲ့ကြဘူး။ လူတွေထင်တဲ့ ကိုယ်နဲ့အတွက် အကောင်းဆုံးချစ်သူက ကိုယ်လက်ထပ်ချင်တဲ့လူ ဖြစ်ချင်မှလည်း ဖြစ်လိမ့်မယ်။ ကိုယ်လိုအပ်တာက ကိုယ်နဲ့အသင့်တော်ဆုံးလူဖြစ်တယ်။

အဲဒီလိုပဲ ကိုယ့်ကို မချစ်တတ်တဲ့လူ၊ ချစ်သူကောင်း မပီသတဲ့လူလို့ တစ်ချို့က ပြောကြမယ်။ ဒါပေမယ့် ဒီလောကမှာ ကိုယ်နဲ့သင့်တော်မယ့် လူတစ်ယောက်ကတော့ ရှိနေပါတယ်။ ကိုယ့်ရဲ့အိမ်ရှေ့မင်းသား (မင်းသမီး) ကို ရှာမတွေ့လို့ စိတ်ပျက်မနေကြပါနဲ့... တစ်နေ့နေ့မှာ မင်းသား (မင်းသမီး)က ကိုယ့်ကို လာကယ်တင်ပါလိမ့်မယ်။ အဲဒီအချိန်ကျရင် ဘဝကို ကောင်းကောင်းတန်ဖိုးထားပြီး ချစ်လိုက်ပါ...

မူရင်း ရေးသားသူ ... 董籬 (Dong Lei) "絕配戀人"

နိုင်းနိုင်းစနေ ဘာသာပြန်သည်။

Read More...

Collapse...

မေတ္တာစစ်နဲ့ ချစ်တဲ့သူ

မူရင်း ... ဂျပန်စာရေးဆရာ Jirō_Akagawa (赤川次郎) February 29, 1948

ညနက်သန်းခေါင်ယံအချိန် မြို့ပြင်က တံတားပေါ်မှာ လူသူကင်းရှင်းနေတယ်။ ရုတ်တရက် အဝေးက အမှောင်ထုထဲမှာ အမျိုးသမီးတစ်ဦးရဲ့ သဏ္ဍာန်တစ်ခု မှုန်ဝါးဝါး ထွက်ပေါ်လာခဲ့တယ်။ အမျိုးသမီးရဲ့ နာမည်က မလင်းကြည်ဖြစ်တယ်။ မလင်းကြည်က အထုပ်တစ်ထုပ်ကို ရင်ခွင်ထဲ ခပ်တင်းတင်းပွေ့ပြီး တံတားဘက်ကို အလျှင်စလို လှမ်းလာနေတယ်။

တံတားပေါ်ရောက်တာနဲ့ ခြေအစုံကိုရပ်ပြီး တံတားအောက်က ရေစီးသန်တဲ့ ချောင်းကို မလင်းကြည် ငုံ့ကြည့်လိုက်တယ်။ အဲဒီနောက် ရင်ခွင်ထဲက အထုပ်ကို ချောင်းထဲ အလျှင်အမြန် ပစ်ချလိုက်တယ်။ အထုပ်ထဲမှာ လူမသိနိုင်တဲ့ လျှို့ဝှက်ချက်တွေပါတယ်။ ဘာအကြောင်းပဲဖြစ်ဖြစ် ဒီလျှို့ဝှက်ချက်ကို ခင်ပွန်းကိုထွန်းဘို အသိခံလို့ မဖြစ်ဘူးဆိုတာ မလင်းကြည်နားလည်တယ်။

အထုပ်ကိုပစ်ပြီး အိမ်ဘက်ကို မလင်းကြည် ခြေကုန်သုတ်သင် ပြန်လာခဲ့တယ်။ မနက်မှာ ခင်ပွန်းနဲ့ သမီးအတွက် မနက်စာပြင်ပေးဖို့ မလင်းကြည် အစောကြီးထရဦးမယ်။ အိမ်ရောက်တော့ နောက်ဖေးတံခါးကို မလင်းကြည် အသာလေးဖွင့်လိုက်တယ်။ မီးဖိုချောင်ကို ဖြတ်ပြီး အိပ်ခန်းထဲ မလင်းကြည် ခိုးအဝင်မှာ အိပ်ခန်းဝမှာ ရပ်နေတဲ့ ကိုထွန်းဘိုကို တွေ့လိုက်တယ်။


"မင်း ဘယ်သွားတာလဲ? " ခက်ထန်တဲ့ မျက်နှာနဲ့ ကိုထွန်းဘိုက မေးတယ်။

ရုတ်တရက်မို့ မလင်းကြည်ဆီက ဘာသံမှ ထွက်မလာခဲ့ဘူး။

"လူအမြင်ခံလို့ မရတဲ့အရာ သွားပစ်တာ မဟုတ်လား"

ကြည့်ရတာ မလင်းကြည်ရဲ့ အပြုအမှုကို ကိုထွန်းဘို ရိပ်မိဟန်တူတယ်။ မလင်းကြည်ရဲ့ မျက်နှာဖြူရော်သွားခဲ့တယ်။

"ဘာသွားပစ်တာလဲ.. ပြောစမ်း! "

"ကျွန်မကို ဘာသံသယဖြစ်နေတာလဲ? " မလင်းကြည် ခေါင်းခါရင်း ကိုထွန်းဘိုကို ပြန်မေးလိုက်တယ်။

"မင်းအစား ငါဖြေမယ်... မင်းပစ်လိုက်တဲ့ အရာက မင်းကိုကြိုက်နေတဲ့ ဟိုအရာရှိရဲ့ စာတွေ မဟုတ်လား! " တကယ်ဒေါသထွက်နေတဲ့ ပုံနဲ့ ကိုထွန်းဘိုအော်တယ်။

မလင်းကြည် မျက်လုံးပြူးသွားမိတယ်။ တစ်ခုခုပြောဖို့ ပါးစပ်လှုပ်သွားပေမယ့် မလင်းကြည်ခေါင်းငုံ့ပြီး အကြည့်ကို ခြေဖျားဖက် ရွေ့ထားလိုက်တယ်။ မလင်းကြည် နုတ်ဆိတ်နေခဲ့တယ်။

"မင်းတကယ်ပဲ အဲကောင်နဲ့ဖြစ်နေပြီ မဟုတ်လား! "

ကိုထွန်းဘိုရဲ့ အော်သံနဲ့တစ်ဆက်တည်းမှာပဲ "ဖြန်း" ဆိုတဲ့ ပါးရိုက်သံက ရှေ့ဆင့်နောက်ဆင့် ထွက်လာခဲ့တယ်။ မျက်စိတွေပြာ၊ ခေါင်းပါမူးနောက်ပြီး ကုတင်ပေါ် မလင်းကြည် ပုံကျသွားခဲ့တယ်။ အားခဲပြီး မလင်းကြည် ကိုယ်ကိုထူမတ်လိုက်တယ်။ ခေါင်းမော့်ကြည့်တော့ ကိုထွန်းဘိုရဲ့ အရိပ်အယောင်ကို မတွေ့ရတော့ဘူး။ ကုတင်ဘေးမှာ ရပ်နေတဲ့ သမီးကို မလင်းကြည် တွေ့လိုက်မိတယ်။ ကြောက်ရွံ့ခြင်း၊ တွေဝေခြင်းတွေက သမီးမျက်နှာပေါ်မှာ ထင်ဟပ်လို့နေတယ်။

"ကျွန်မက ဘယ်သူ့သမီးလဲ? အဖေ့သမီးလား? ဟိုအရာရှိသမီးလား? "

ရုတ်တရက် သမီးက မလင်းကြည်ကို မေးလိုက်တယ်။ မလင်းကြည် တုန်လှုပ်သွားမိတယ်။ ပြီးမှ တအံ့တသြ...

"ဘာဖြစ်လို့ ဒီလိုမေးရတာလဲ သမီး? "

"ကျွန်မ သိချင်တယ်"

မလင်းကြည် အတန်ကြာ နုတ်ဆိတ်သွားမိတယ်။ ညလေးညှင်းက အဖြူရောင်ပြောင်းစ သူ့ဆံနွယ်ကို ဆော့ကစားနေတယ်။ အချိန်ကြာမှ မလင်းကြည်က သမီးကို "ကောင်းပြီသမီး... သမီးကို မေမေပြောပြမယ်။ သမီးတစ်ယောက်တည်းကိုပဲ မေမေ ပြောပြတာနော်....."

"သမီးဖေဖေမှာ မေမေနဲ့လက်မထပ်ခင် ချစ်သူတစ်ယောက်ရှိခဲ့တယ်။ မကြင်မေ.. လို့ခေါ်တယ်"

မလင်းကြည်နဲ့ မကြင်မေက ကျောင်းနေဖက်တွေဖြစ်တယ်။ အလယ်တန်းမှာ သူတို့က ကိုထွန်းဘိုအောက် တစ်တန်းငယ်သူတွေဖြစ်တယ်။ အဲဒီအချိန်တုန်းက သူငယ်ချင်းကောင်းတွေဖြစ်ကြတဲ့ မလင်းကြည်နဲ့ မကြင်မေက ကိုထွန်းဘိုကို တစ်ဖက်သတ် တိတ်တခိုး စွဲလမ်းနေကြတယ်။ ကိုယ်နှစ်သက်သူကို မိန်းကလေးဘက်က စပြီး မဖွင့်ပြောသင့်တဲ့ ခေတ်မှာ ကြီးပြင်းခဲ့တဲ့ သူတို့နှစ်ယောက်အတွက် ဒီကိစ္စကို ရေငုံ့နေတာကလွဲလို့ "ရည်းစားလုဖက်တွေ" မဖြစ်ခဲ့ကြဘူး။

မလင်းကြည်က အတော်အသင့် ချမ်းသာတဲ့ မိသားစုက မွေးဖွားခဲ့တယ်။ မကြင်မေက ဖတဆိုးဖြစ်ပြီး မုဆိုးမမိခင်နဲ့ ဘဝကို ဆင်းဆင်းရဲရဲ ဖြစ်ကျော်ခဲ့ရတယ်။ မလင်းကြည်ကိုယ်ပေါ်က အဝတ်အစား လှလှလေးတွေကို မကြင်မေ မဝတ်နိုင်ခဲ့ဘူး။ မလင်းကြည်လို မပျော်ပါးနိုင်ခဲ့ဘူး။ ဒါပေမယ့် မကြင်မေလို လှပတဲ့ရုပ်ရည်၊ နူးညံ့သိမ်မွေ့မှုတွေ သူ့မှာမရှိဘူးဆိုတာ မလင်းကြည်သိတယ်။

တစ်ခုသော ပူပြင်းတဲ့ နွေကျောင်းပိတ်ရက်မှာ ပြဿနာတစ်ခု စခဲ့တယ်။ အဲဒီနေ့က မလင်းကြည်တို့အိမ်ကို မကြင်မေ ရုတ်တရက်ရောက်လာခဲ့တယ်။ ကိုထွန်းဘိုလည်း တိုက်တိုက်ဆိုင်ဆိုင် မလင်းကြည်တို့အိမ်မှာ ရှိနေခဲ့တယ်။ မကြင်မေရဲ့ နောက်မှာ မျက်နှာထား ခပ်တင်းတင်းနဲ့ လူကြီးတစ်ယောက် လိုက်ပါလာတယ်။ အဲဒီလူက မကြင်မေအမေ အလုပ်လုပ်တဲ့ သူဌေးအိမ်က လူယုံဖြစ်တယ်။

"အဲဒီကောင်မကို ထွက်လာခိုင်းစမ်း!"

လူယုံက တစ်ဖက်ကအော်ရင်း တစ်ဖက်က အိမ်ကြီးရှင်ရဲ့သမီး မှန်တင်ခုံပေါ် ချွတ်ထားတဲ့ပတ္တမြား ပျောက်ဆုံးသွားကြောင်း၊ အဲဒီအချိန်မှာ အမေကိုလာရှာတဲ့ မကြင်မေလည်း အိမ်ကြီးထဲရောက်နေကြောင်း၊ ဒါကြောင့် ပတ္တမြားကို မကြင်မေခိုးယူခဲ့ကြောင်း စွပ်စွဲတော့တယ်။ အကူအညီမဲ့နေတဲ့ မကြင်မေရဲ့ မျက်ရည်ကိုမြင်တော့ ကိုထွန်းဘို မနေနိုင်တော့ဘူး။ မကြင်မေကို အိမ်ထဲဝင်စေပြီး အိမ်ရှေ့ကို ကိုထွန်းဘိုဒေါသတကြီး ထွက်ခဲ့တယ်။ လူယုံနဲ့ ကိုထွန်းဘို စကားများကြတော့တယ်။

မဟုတ်မခံတဲ့ ကိုထွန်းဘိုရဲ့ အပြုအမှုကြောင့် ထင်ပါတယ်... ကိုထွန်းဘိုနဲ့ စကားဆက်မများဘဲ လူယုံကြီး ထွက်သွားခဲ့တယ်။ မကြင်မေ ပတ္တမြားခိုးတာကို လက်ပူးလက်ကြပ် သက်သေနဲ့မိတာ မဟုတ်တဲ့အတွက် သူတို့လက်လျှော့ခဲ့တယ်။

သွေးဆုတ်နေတဲ့ မျက်နှာနဲ့ ခိုက်ခိုက်တုန်အောင် လန့်နေတဲ့ မကြင်မေရဲ့ လက်ကို ကိုထွန်းဘို ဆုတ်ကိုင်လိုက်မိတယ်....

ပတ္တမြားခိုးတဲ့ ကိစ္စက အဲဒီမှာတင် တစ်စခန်းမရပ်ခဲ့ဘူး။ မကြင်မေ ပတ္တမြားခိုးယူတဲ့ သတင်းက မြို့တစ်ခုလုံး ပြန့်နှံ့သွားခဲ့တယ်။ ကျောင်းပြန်ဖွင့်တော့ မကြင်မေကို ဘယ်ကျောင်းသားကမှ အဖက်မလုပ်ခဲ့ဘူး။ စကားမပြောခဲ့ဘူး။ အမေလည်း အလုပ်လက်မဲ့ ဖြစ်ခဲ့ရလို့ မကြင်မေတို့ ပိုကြပ်တည်းခဲ့ရတယ်။ ဒါပေမယ့် ကိုထွန်းဘိုက အဲဒီကိစ္စအပြီးမှာ မကြင်မေကို ချစ်သွားခဲ့မိတယ်။ ကိုထွန်းဘိုရဲ့ အချစ်က ကိုယ်ချင်းစာ၊ သနားတဲ့အချစ် မဟုတ်ဘူး။ ရင်ထဲ၊ အသဲထဲကနေ တကယ် နှစ်နှစ်ကာကာ ချစ်သွားမိတာဖြစ်တယ်။

မကြင်မေနဲ့ ကိုထွန်းဘို ချစ်သူတွေဖြစ်သွားကြတော့ မလင်းကြည်လည်း ကိုထွန်းဘိုအပေါ်ထားတဲ့ သူ့မေတ္တာကို ရင်ထဲမှာပဲ သိမ်းဆည်းထားလိုက်တော့တယ်။ မကြင်မေအပေါ် မလင်းကြည်ရဲ့ ဂရုစိုက်မှုတွေ ပေါ့မသွားခဲ့ဘူး။ အချစ်ကို ရင်ထဲမှာ သိုဝှက်ရင်း မကြင်မေတို့ရဲ့ ချစ်ခြင်းတွေ သာယာဖြောင့်ဖြူးစေဖို့ မလင်းကြည် ဆုတောင်းခဲ့တယ်။

ဒါပေမယ့် ကိုထွန်းဘိုဆိုတဲ့ ကျောင်းသားတစ်ယောက်ရဲ့ ချစ်ခြင်းတစ်ခုတည်းနဲ့ မကြင်မေတို့ သားအမိရဲ့ စားဝတ်နေရေးကို မဖြေရှင်းနိုင်ခဲ့ဘူး။ အဲဒီနှစ်ရဲ့ ဆောင်းဦးပေါက် ညနေခင်းတစ်ခုမှာ မကြင်မေတို့သားအမိ ချောင်းထဲခုန်ချပြီး အဆုံးစီရင်ခဲ့ကြတယ်။

"အဲဒီနောက်မှာ မေမေတို့အိမ်ကို သမီးရဲ့ဖေဖေ ရောက်လာခဲ့တယ်။ အဲဒီနောက် သမီးကို မေမေမွေးခဲ့တယ်.. သမီး"

မလင်းကြည် စကားကို ခဏရပ်ပြီး ဆက်ပြန်တယ်။

"ဒါပေမယ့် သမီးဖေဖေရဲ့စိတ်မှာ မကြင်မေကိုပဲ လွမ်းဆွတ်နေခဲ့တယ်။ မေမေက သူ့ဇနီး၊ မကြင်မေသာ သူ့ချစ်သူ.. မကြင်မေကိုပဲ သူချစ်ခဲ့တယ်...."

မလင်းကြည်ပြောတာကို နားထောင်ပြီး သမီး မသိမသာ သက်ပြင်းချမိတယ်။

"ဒီကိစ္စနဲ့ ချောင်းထဲ မေမေပစ်လိုက်တဲ့ အထုပ်နဲ့ ဘာများပတ်သက်နေလို့လဲ? "

"ဒီနေ့ မေမေ အိမ်သန့်ရှင်းရေးလုပ်တော့ မျက်နှာကြက်မှာ ထိုးထည့်ထားတဲ့ ပတ္တမြားတစ်လုံးကို တွေ့မိတယ်။ ကြည့်ရတာ.. အဲဒီတုန်းက သမီးဖေဖေ ဟိုလူယုံနဲ့ ရန်ထွက်အဖြစ်မှာ မကြင်မေ ခုံခုပြီး မျက်နှာကြက်ပေါ် ထိုးထည့်လိုက်ပုံရတယ်။ မေမေတွေ့ခဲ့လို့ ချောင်းထဲ တိတ်တိတ်လေးသွားပစ်လိုက်တာ သမီး"

"ဟာ.... ဟာ..... အဲဒီလိုလား မေမေ.." အသက်ပြန်ရှူသွင်းဖို့ သူမေ့နေခဲ့တယ်။

"ဒါဆို ဘာဖြစ်လို့ ဖေဖေ့ကို ပြောမပြတာလဲ"

သမီးအမေးကို မလင်းကြည် တစ်ချက်ပြုံးလိုက်မိတယ်။

"မကြင်မေရဲ့ အသေဆိုးက သမီးဖေဖေကို တော်တော်စိတ်ထိခိုက်စေခဲ့ပြီးပြီ။ သမီးဖေဖေရဲ့ စိတ်ထဲမှာ မကြင်မေဟာ ခြောက်ပြစ်ကင်းတဲ့ ချစ်သူတစ်ယောက်၊ တကယ်လို့ အဖြစ်မှန်ကို ပြောပြလိုက်ရင် သမီးဖေဖေ ဘာဖြစ်သွားနိုင်မလဲ.. သမီးတွေးကြည့်ပါ"

"မေမေ..."

မလင်းကြည်ကို သမီး ခပ်တင်းတင်း ပွေ့ဖက်လိုက်ပြီး "မေမေကသာ ဖေဖေ့ကို တကယ်ချစ်တဲ့သူဖြစ်တယ်" လို့ ပြောလိုက်တယ်။

သမီးရဲ့ ပွေ့ပိုက်မှုအောက်မှာ မလင်းကြည်ရဲ့မျက်နှာက ပန်းနုရောင်သမ်းလို့လေ.....

ပြီးပါပြီ

နိုင်းနိုင်းစနေ ဘာသာပြန်သည်။

နာမည်တွေကို ဖတ်ရလွယ်အောင် ဂျပန်နာမည်ကနေ အနီးဆုံး အသံတူယူထားပါတယ်။
綾子 = လင်းကြည်
晶美 = ကြင်မေ
渡部 = ထွန်းဘို

Read More...

Collapse...

ကမ္ဘာ့အမျိုးသမီးများနေ့

စီးပွါးရေး၊ နိုင်ငံရေးနဲ့ လူမှုရေးစတဲ့ နယ်ပယ်ကနေ ကိုယ်ကျိုးစွန့်ပြီး အများအကျိုးသယ်ပိုးခဲ့တဲ့၊ အောင်မြင်မှုတွေ ရခဲ့တဲ့ အမျိုးသမီးများကို ဂုဏ်ပြုတဲ့အနေနဲ့ မတ်လ (၈)ရက်နေ့ကို ကမ္ဘာ့အမျိုးသမီးများနေ့အဖြစ် သတ်မှတ်ခဲ့ကြတယ်။ တစ်ပြိုင်ထဲမှာပဲ ၁၉၁၁ ခုနှစ် အမေရိကန် နယူးယောက်မှာရှိတဲ့ တြိဂံအထည်စက်ရုံ (Triangle Shirtwaist Factory) မီးလောင်စဉ်က သေဆုံးခဲ့တဲ့ အမျိုးသမီးလုပ်သား ၁၄ဝဦးကို အောင်းမေ့တမ်းတတဲ့နေ့လည်း ဖြစ်တယ်။

ကမ္ဘာ့အမျိုးသမီးများနေ့ သတ်မှတ်ဖို့ အစီအစဉ်ကို ၂ဝရာစု နှစ်ဦးပိုင်းက စခဲ့တယ်လို့ သိရတယ်။ အဲဒီအချိန်တုန်းက အနောက်နိုင်ငံဟာ စက်မှုလက်မှုနိုင်ငံအဖြစ် အလျှင်အမြန် တိုးတက်နေတဲ့အချိန် ဖြစ်တယ်။ ပင်ပန်းလွန်းတဲ့အလုပ်နဲ့ လခနည်းမှုကြောင့် အလုပ်သမားတွေက ဆန္ဒအမျိုးမျိုးပြပြီး သပိတ်မှောက်ခဲ့ကြတယ်။ ၁၈၅၇ခုနှစ် မတ်လ (၈)ရက်နေ့မှာ အမေရိကန် နယူးယောက်မှာရှိတဲ့ အထည်စက်ရုံက အမျိုးသမီးလုပ်သားတွေ လမ်းပေါ်တက် သပိတ်မှောက်ခဲ့ကြတယ်။ သပိတ်မှောက် အမျိုးသမီးတွေကို စစ်အင်အားသုံးပြီး လူစုခွဲနိုင်ခဲ့ပေမယ့် သပိတ်မှောက်ပြီး ၂နှစ်အကြာ မတ်လမှာ ပထမဆုံးသော အလုပ်သမား အစည်းအရုံးကို စတင်ထူထောင်နိုင်ခဲ့တယ်။ အဲဒီနောက် နှစ်တွေကြာလာသည့်တိုင် နှစ်စဉ်နှစ်တိုင်း မတ်လ (၈)ရက်နေ့ရောက်တိုင်း ဆန္ဒပြမှုတွေ ရှိခဲ့ကြတယ်။ လူသိအများဆုံးက ၁၉ဝ၈ခုနှစ်မှာ အမျိုးသမီးလုပ်သား ၁၅ဝဝဝဦး နယူးယောက်လမ်းပေါ်ထွက်ပြီး အလုပ်ချိန်လျှော့ပြီး လခတိုးပေးဖို့ တောင်းဆိုတာပဲဖြစ်တယ်။

ကနဦးအစမှာ ၁၉ဝ၉ခုနှစ် ဖေဖော်ဝါရီလ ၂၈ ရက်နေ့ကို ပထမဦးဆုံးသော အမျိုးသမီးနေ့အဖြစ် သတ်မှတ်ခဲ့ကြတယ်။ အမေရိကန် ဆိုရှယ်လစ်ပါတီက နှစ်စဉ်နှစ်တိုင်း ဖေဖော်ဝါရီလရဲ့ နောက်ဆုံးပတ် တနင်္ဂနွေနေ့မှာ အထိမ်းအမှတ်ပွဲ ပြုလုပ်ရမယ်လို့ ကြေညာခဲ့တယ်။ ကြေညာချက်အတိုင်း အထိမ်းအမှတ်ပွဲကို ၁၉၁၃ ခုနှစ်အထိ နှစ်တိုင်းကျင်းပခဲ့ကြတယ်။ ၁၉၁၁ခုနှစ် မတ်လ (၁၉)ရက်မှာ သြစတေးယား၊ ဒိန်းမတ်၊ ဂျာမဏီနဲ့ ဆွီဒင်စတဲ့ နိုင်ငံတွေက လူပေါင်း ၁ဝသိန်းကျော်က ပျော်ပွဲရွှင်ပွဲ အမျိုးမျိုးနဲ့ ကမ္ဘာ့အမျိုးသမီးများနေ့ကို ဂုဏ်ပြုခဲ့ကြတယ်။ အဲဒီလိုကျင်းပပြီး ၆ရက်မြောက်တဲ့နေ့ မတ်လ (၂၅)ရက်နေ့မှာ နယူးယောက်မှာရှိတဲ့ တြိဂံအထည်စက်ရုံ မီးလောင်မှု ဖြစ်ပွါးခဲ့တယ်။ အမျိုးသမီး ၁၄ဝဦး မီးလောင်သေဆုံးခဲ့ရတယ်။ အများစုက အီတလီနဲ့ ဂျူးလူမျိုးတွေဖြစ်ကြတယ်။

ပထမကမ္ဘာစစ် မဖြစ်ပွါးမီ ၁၉၁၃ခုနှစ် မတ်လ (၈)ရက်နေ့မှာ ဥရောပမှာရှိတဲ့ အမျိုးသမီးထုတွေ လမ်းပေါ်တက် ဆန္ဒပြခဲ့ကြတယ်။ ငြိမ်းချမ်းသော စုစည်းမှုအဖြစ် စစ်ဖြစ်ပွါးမှုကို ဆန့်ကျင်ခဲ့ကြတာဖြစ်တယ်။

ကမ္ဘာ့အမျိုးသမီးများနေ့ကို ဂုဏ်ပြုတဲ့ပွဲဟာ နောက်ပိုင်းမှာ ရုရှားတော်လှန်ရေးရဲ့ နိဒါန်းလည်း ဖြစ်ခဲ့သေးတယ်။ ၁၉၁၇ ခုနှစ် မတ်လ (၈)ရက်နေ့မှာ ရုရှားအမျိုးသမီးထုတွေ "Bread and peace" ပေါင်မုန့်နဲ့ငြိမ်းချမ်းရေး တောင်းဆိုမှုနဲ့ သပိတ်မှောက်ခဲ့ကြတယ်။ ၄ရက်မြောက်နေ့မှာ Czar ဘုရင်ကို ရာထူးက ဖယ်ရှားပစ်ပြီး ယာယီအစိုးရက အမျိုးသမီးတွေ မဲပေးပိုင်ခွင့်ရှိကြောင်းကို ထုတ်ပြန်ကြေညာလိုက်တယ်။ အောက်တိုဘာတော်လှန်ရေး အောင်မြင်ပြီးနောက် Bolshevik (Большевик) ရဲ့ အမျိုးသမီး လှုပ်ရှားသူ Alexandra Kollontai က မတ်လ (၈)ရက်နေ့ကို ရုံးပိတ်ရက်အဖြစ် သတ်မှတ်ပေးဖို့ တောင်းဆိုခဲ့တယ်။ ဆိုဗီယက် ပြည်ထောင်စု ခေတ်ကာလက "သူရဲကောင်း အမျိုးသမီးလုပ်သား" နေ့ကို နှစ်စဉ်နှစ်တိုင်း မတ်လ (၈)ရက်နေ့မှာ ကျင်းပခဲ့တယ်။ ဒါပေမယ့် လူထုတွေကြားမှာ အဲဒီအထိမ်းအမှတ်ပွဲဟာ နိုင်ငံရေးအငွေ့တွေ တဖြေးဖြေး ပျောက်ကွယ်လာပြီး အနောက်နိုင်ငံက ပြုလုပ်ကျင်းပတဲ့ "မိခင်များနေ့" နဲ့ "ချစ်သူများနေ့" တွေလို အမျိုးသမီးထုကို ချစ်ခင်လေးစားတဲ့ ဂုဏ်ပြုပွဲအဖြစ်သို့ ပြောင်းလာခဲ့တယ်။ ဒီနေ့ထိတိုင် မတ်လ (၈)ရက်နေ့ကို ရုံးပိတ်နေ့အဖြစ် ရုရှားတွေက သတ်မှတ်ခဲ့ကြတယ်။ အဲဒီနေ့ရောက်တိုင်း အမျိုးသားတွေက အမျိုးသမီးတွေကို ပန်း၊ လက်ဆောင်ပစ္စည်းတွေ ပေးကမ်းဂုဏ်ပြုကြတယ်။

၁၉၇၅ ခုနှစ် ကမ္ဘာ့အမျိုးသမီးများနေ့ကစပြီး ကုလသမဂ္ဂက နှစ်စဉ်နှစ်တိုင်း မတ်လ (၈)ရက်နေ့မှာ အထိမ်းအမှတ်ပွဲတွေနဲ့ ကမ္ဘာ့အမျိုးသမီးများနေ့ကို ဂုဏ်ပြုခဲ့တယ်။

http://zh.wikipedia.org/wiki

http://en.wikipedia.org/wiki/International_Women

အမျိုးသမီးများ အဖက်ဖက်မှာ လှပနိုင်ကြပါစေ...

နိုင်းနိုင်းစနေ

Read More...

Collapse...